ဆန္ဒပြလူအုပ်ကြီးတစ်စုရဲ့ပုံ အင်တာနက်ပေါ်တက်လာတယ်။ ရန်ကုန်မြို့တစ်နေရာလို့ပဲအားလုံးကသိ ထားကြတယ်။ ဘယ်နေရာလဲ အတိအကျမပြောထားဘူး။ လူထောင်ချီတန်းစီလှည့်လည်ပြီး ခပ်သုတ် သုတ်လေး ဆန္ဒထုတ်ဖော်ကြတဲ့မြင်ကွင်းကြောင့် စိတ်ချမ်းသာသွားတယ်။ ပြည်သူတွေဟာ သွေးမအေး သွားခဲ့ကြပါဘူး။ စစ်သူပုန်တွေကို ပုံစံမျိုးစုံနဲ့ရရင်ရသလို တွန်းလှန်နေမှာပဲ။ သူတို့တွေဟာ လက်နက်အား ကိုးနဲ့ ပြည်သူတွေကို အနိုင်ကျင့်နေပေမဲ့ ပြည်သူတွေကတွန့်ဆုတ်သွားမှာမဟုတ်ပါဘူး။ စီဒီအမ်သမား တွေ၊ အခြေခံလူတန်းစားတွေရဲ့ စားဝတ်နေရေးမပြေလည်မှုတွေများလာတယ်။ တစ်ယောက်ကိုတစ် ယောက်ဖေးကူကြပေမယ့် မပြေလည်မှုတွေများလာတဲ့အခါ ကျွန်တော်တို့အလုပ်ထွက်လုပ်တာမျိုးရှိကြ တယ်။ ဒါပေမဲ့ စိတ်ထဲမှာတော့မအလအဖွဲ့ကို အရိုးစွဲတဲ့အထိ နာကျည်းမုန်းတီးနေကြတယ်။ ဒီတိုက်ပွဲကို နိုင်အောင်တိုက်မှရမယ်။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...