ဒေါ်သက်သက်ခိုင်အိမ် ဗုံးပေါက်တယ်ကြားပါတယ်။ ပြည်သူတွေလုပ်တာလို့သူတို့က စွပ်စွဲနိုင်ပေမယ့် ပြည်သူတွေဆီမှာ ဘာလက်နက်မှမရှိတာပဲကို။ ပြီးတော့ ညဖက် ၉ နာရီအချိန်ဆိုတော့ အပြင်မထွက်ရ ဘူးလို့သတ်မှတ်ထားတယ်လေ။ အပြင်ထွက်ရင် သေနတ်နဲ့ပစ်သတ်ကြတော့ ဘယ်သူ့မှအပြင်မထွက်ရဲ ကြတော့ဘူး။ အာဆီယံအစည်းအဝေးကို မအလ တက်ရောက်ဖို့ ဂျာကာတာကိုရောက်ကတည်းက သူ့အ တွက်ဆုတောင်းပေးနေကြတယ်။ သူသေပါစေ ဒါမှမဟုတ် အဖမ်းခံရပါစေဆိုတာမျိုးပေါ့။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။