ဗျုဟာပြောင်းကြမယ် ခေါင်းကြီးတို့

မြေပြင်အခြေအနေပြောင်းလာတာအားလုံးအသိပါဆန္ဒပြရတဲ့ကိစ္စကလည်း လွယ်တာတော့မဟုတ်ဘူး။

ရဲတွေလာပြီဟေ့ဆိုရင်

မပြေးနဲ့ မပြေးနဲ့ …

အိုကေလေ မပြေးဘူး ခံချမယ်ဆိုပြီး တွေ့ရာခဲနဲ့ကောက်ထုတော့

ဟေ့ ဟေ့ မထုနဲ့ မထုနဲ့ ….

အေး… ဒါဆိုလည်း မထုဘူး ပြေးကြမယ်ဟေ့ဆိုတော့လည်း

မပြေးနဲ့ အရမ်းမပြေးနဲ့ ဖြည်းဖြည်းချင်းပဲဆုတ်တဲ့ …..

ဟိုကတကယ်အနားလည်းရောက်လာရော သုတ်ချေတင်ပြီးပြေးရတာပဲ။

နှေးတဲ့ကောင်တွေတော့ ပါသွားတာပေါ့။

အစောပိုင်းရက်တွေမှာ စစ်သူပုန်တွေဟာကိုယ်တွေရဲ့ခံစစ်ကိုဖြိုခွဲဖို့အတော်ကြိုးစားယူရတယ်။ လေးငါးရက်လောက်ကြာတော့ဒီကောင်တွေအထာနပ်လာကြတယ်။ လူအုပ်ကသူတို့ကိုဘာမှပြန်မလုပ်မှန်းသိတော့ သူတို့ဘက်ကလူအင်အားနည်းနည်းပဲသုံးလာတယ်။ ခုဆိုတချို့နေရာတွေမှာဒိုင်းကိုင်တွေတောင်မသုံးတော့ဘူး။ Tear Gas သုံးပြီးတခါတည်းတန်းဆွဲတော့တာပဲ။ သူတို့အတွက်သိပ်လွယ်လွန်းနေပြီ။

ကား ၂ စီးလောက်နဲ့တစ်မြို့နယ်လုံးကိုချုပ်ကိုင်နေတာနော်။

ကိုယ်တွေရဲ့သပိတ်နယ်မြေဟာလဲတဖြည်းဖြည်းကျဥ်းမြောင်းလာတယ်။ လှည်းတန်းကိုပဲနမူနာကြည့်ပါ။

အဖြိုခွဲမခံရစဥ်တုန်းက လှည်းတန်းစင်တာရှေ့လမ်းဆုံလမ်းခွ..အချက်အခြာကျတဲ့နေရာမှာအေးဆေးဆန္ဒပြလို့ရတယ်။ စစ်ခွေးတွေစအကြမ်းဖက်တော့ လမ်းဆုံကနေ လှည်းတန်းစျေးရှေ့၊ ဂမုန်းပွင့်ရှေ့ကိုဆုတ်ပေးရတယ်။ နောက်တော့အင်းစိန်လမ်းမကြီးပေါ်…ခုနောက်ဆုံး ဘူတာရုံလမ်းလိုကြားလမ်းတွေထဲရောက်ကုန်ကြပြီ။ ဒီတိုင်းဆက်သွားရင်လမ်းသွယ်လေးတွေထဲဝင်ပြရမယ်။ နောက်ဆုံးတိုက်ခန်းတွေထဲထိဝင်ဆွဲခံရလိမ့်မယ်။ ခုလည်းဆွဲနေပါပြီ။

နောက်တစ်ချက်စိုးရိမ်စရာတခုရှိသေးတယ်။

အရင်တုန်းကဆန္ဒပြသူတွေကိုဖမ်းမိရင် နောက်နေ့ပြန်လွတ်ပေးလေ့ရှိတယ်။ အခုမဟုတ်တော့ဘူး။ ဖမ်းမိရင် ၅၀၅ နဲ့တခါထဲဆွဲစိတော့တာပဲ။ ကြာရင်ကိုယ်တွေဘက်ကလုံးပါးပါးလာလိမ့်မယ်။

ဘယ်လိုဖြေရှင်းကြမလဲ..

ရိုးရိုးလေးပါပဲ။ ဒေါက်တာဆာဆာပြောတဲ့ Self Defense ကိုအကောင်အထည်ဖော်ရမယ်။ ခုအခြေအနေက အကြမ်းမဖက်ရဘူးတို့၊ အကွက်ထဲဝင်သွားမယ် စတဲ့ဆိုက်ဝါးတွေမိလို့ကောင်းနေတုန်းပဲ။ သူတို့က အနိုင်ကျင့်လို့ရမှန်းသိလေ နည်းမျိုးစုံနဲ့အနိုင်ကျင့်လေပဲဖြစ်တော့မှာ။ပြီးခဲ့တဲ့အပတ်က ထိုင်းမှာဆန္ဒပြကြတယ်။ထိုင်းကကောင်တွေ ကျွေးချက်က လက်လန်တယ်။ရေကားတောင် မနည်းပြန်မောင်းပြေးရတယ်။ဖမ်းသွားတဲ့လူတွေကိုလည်း အချုပ်ကားကို ပိတ်ပြီး အကုန်ပြန်ကယ်ထုတ်တာပဲ။

တခါတလေမှာ ကိုယ့်လူတွေက ဆိုက်ဝါးမိပြီး အလျော့ပေးလွန်းနေကြတယ်။ကမ္ဘာမှာလည်း ကျုပ်တို့ကအကြမ်းမဖက်ဘဲ သူတို့ပဲပစ်ခတ်နေတယ်ဆိုတာ လုံလောက်တဲ့သက်သေတွေလည်းရှိနေပြီးပါပြီ။ထိုင်းကျောင်းသားတွေ ဟောင်ကောင်ကျောင်းသားတွေနဲ့ ချီလီကဆန္ဒပြပွဲတွေ အင်္ဂလန်ကျောင်းသားဆန္ဒပြပွဲတွေတောင် ကျုပ်တို့လောက် ခန္တီစတရားနဲ့မပြည့်စုံဘူး။

တော်လှန်ရေးက အပြေးချည်းပဲဆို မလွယ်ဘူးရဲဘော်တို့။ အနည်းဆုံးတော့ ခဲနဲ့ပေါက်တာတို့၊ အနားကပ်လာရင်တုတ်နဲ့ပြန်ရိုက်တာမျိုးတော့စလုပ်သင့်ပြီ။

ကိုယ်တွေကအကြမ်းစဖက်တာမဟုတ်ဘူးနော်။ ကိုယ့်ကိုကိုယ်ကာကွယ်ပိုင်ခွင့်ကိုအသုံးချတာ။

နယ်မြို့တွေကတချို့နေရာတွေမှာလဲစလုပ်နေကြပြီ။ ဥပမာ ဟိုတလောက ကလေးမြို့ကဗီဒီယိုဖိုင်လိုပေါ့။ အဲ့ဒါကိုမှအကွက်ထဲဝင်သွားမယ်ထင်နေတုန်းပဲဆိုရင် ဒီစာကိုဆက်မဖတ်ပါနဲ့တော့။ ကျနော့်ကိုလဲ Report သာထုသွားလိုက်ပါ။

ဘာတွေအကျိုးရှိလာမလဲ။

(၁) စစ်ခွေးတွေအလုပ်ရှုပ်ကုန်မယ်

အရင်လိုသေနတ်လေးဖောက်၊ လမ်းလေးလျှောက်ပြီးဝင်ဆွဲလို့မရတော့ဘူး။ ကိုယ်တွေပြန်လုပ်မယ်ဆိုတာသိထားရင်သူတို့ဘက်ကလဲအများကြီးပြင်ဆင်ရတော့မယ်။ ဖြစ်သလိုစတင်းဂန်းနဲ့ပစ်..ဖြိုခွဲလို့လဲမရဘူး။ အသေအပျောက်တွေရှိလာရင်ကြိုးစင်နဲ့ပိုနီးလာမယ်။ ခုတောင်ဒီကောင်တွေသိပ်မရမ်းရဲတော့တာပဲကြည့်။

(၂) ကိုယ်တွေကိုပြန်ရှိန်လာမယ်။

အရင်လိုအေးဆေးအနိုင်ကျင့်လို့မရမှန်းသိတဲ့အခါသူ့တို့ဘက်မှာလဲအကြောက်တရားတစ်ခုပြန်ဝင်လာမယ်။ လွယ်လွယ်နဲ့တက်လာရဲမှာမဟုတ်တော့ဘူး။

(၃) ဒင်းတို့တတွေလူအင်အားပိုသုံးရမယ်။

 ကိုယ်တွေပြန်ခုခံမယ်ဆိုရင် သပိတ်တခုကိုဖြိုခွဲဖို့အတွက်ခုလက်ရှိသူတို့သုံးနေတဲ့အင်းအားရဲ့အနည်းဆုံး၂ဆပိုသုံးရလိမ့်မယ်။ နဂိုကတည်းကလူအင်အားသိပ်မသုံးနိုင်တဲ့အခြေအနေမှာတနိုင်ငံလုံးကသပိတ်တွေပြန်ခုခံကြမယ်ဆိုရင် သူတို့တော်တော်တိုင်ပတ်ကြလိမ့်မယ်။ နောက်ဆုံးညဘက်တွေမှာရမ်းချင်တိုင်းရမ်းဖို့တောင်ခက်ခဲသွားလိမ့်မယ်။

ဘာတွေကောင်းလာနိုင်လဲ

(၁) ဆန္ဒပြလူငယ်တွေ motivation တက်လာမယ်

အရင်လို ပြ ပြန် ပြေးမဟုတ်တဲ့အတွက်စိတ်ပိုင်းဆိုင်ရာမှာအများကြီးတိုးတက်လာမယ်။

(၂) အခုထက်ပိုပြီး စည်းလုံးလာမယ်

ပြန်ခုခံဖို့ဆိုတာ Plan တွေလိုတယ်။ ဗျူဟာတွေလိုတယ်။ လေ့ကျင့်မှုတွေလိုတယ်။ အဲ့ဒါတွေကိုအချင်းချင်းတိုင်ပင်လုပ်ဆောင်ရမှာဖြစ်တဲ့အတွက် အဖွဲ့အစည်းသဘောပိုဆန်လာမယ်။ ပိုစည်းလုံးလာမယ်။

(၃) တော်လှန်ရေးကြီးပိုပြီးအရှိန်အဟုန်ကောင်းလာမယ်

အဲ့ဒါကိုတော့အကျယ်ချဲ့ရှင်းပြမနေတော့ဘူး။ ကိုယ့်ဘာသာကိုယ်စဥ်းစားကြည့်ကြပါ။

နောက်ဆုံးပြောချင်တာကတော့ ကျွန်တော်တို့ဒီတိုင်းဆက်သွားလို့မရပါဘူး။ အဖမ်းခံရတဲ့သူတွေများလာတဲ့အခါလမ်းပေါ်ကဆန္ဒပြပွဲတွေလုံးပါးပါးလာပါလိမ့်မယ်။ အဖမ်းခံရရင်တောင်ရဲဝံ့စွာတိုက်ပွဲဝင်ပြီးအဖမ်းခံရတာပိုအဓိပ္ပါယ်ရှိပါတယ်။

အခုပြောခဲ့တာတွေမှာ လူသတ်တာ၊ လုယက်ရမ်းကားတာ၊ ရဲစခန်းမီးရှို့တာတွေတစ်ခုမှမပါပါဘူး။ Self Defence ပိုင်းကိုသာပြောနေခြင်းဖြစ်ပါတယ်။ အကွက်ဝင်မှာစိုးရင်တော့ လဲသာသေလိုက်ပါ။

ကဲ..ကျနော်တို့ဗျူဟာပြောင်းဖို့လိုနေပြီ။