ကျွန်တော်တို့တွေဟာ နိုင်ငံတကာကိုမျှော်နေတုန်းပဲ။ နိုင်ငံတကာအကူအညီတစ်ခုခုရပါစေလို့ဆုတောင်း နေကြတုန်းပဲ။ နိုင်ငံရေးပေါ်လစီ၊ နိုင်ငံတကာဆက်ဆံရေး၊ တစ်နိုင်ငံနဲ့တစ်နိုင်ငံအကူအညီပေးဖို့စည်း မျဉ်းစည်းကမ်းတွေကို ကျွန်တော်တို့နိုင်ငံသားတော်တော်များများကနားမလည်ကြပါဘူး။
ကျွန်တော်တို့ဟာအလွတ်ကျက်ပြီးဖြေရတဲ့ပညာရေးစနစ်မှာရှင်သန်ခဲ့ရတော့ အတွေးအခေါ်တွေလည်း သူများနိုင်ငံတွေလောက်မမြင့်မားကြပါဘူး။ အဲဒီတော့ နိုင်ငံတကာကနေလာကယ်ပါစေလို့ဆုတောင်းနေ ကြတုန်းပဲ။ အခုရက်အထိ နိုင်ငံတကာကလည်းဘာအသံမှမကြားရတော့ စိတ်တွေအားပျော့လာတယ်။
ကျွန်တော်စိတ်ထဲမှာတော့ အမေရိကန်လိုမဟာမိတ်နိုင်ငံတစ်နိုင်ငံကနေ စစ်အစိုးရနေတဲ့နေရာကိုပစ် မှတ်ထားပြီး ဒုံးကျည်နဲ့ပစ်တာမျိုးလုပ်ပါစေ၊ ကုလသမ္မဂအဖွဲ့အစည်းကနေ စစ်အာဏာရှင်တွေကိုအမိန့် ပေးပြီးဖြုတ်ချပါစေ၊ အိုင်စီဂျေလိုအဖွဲ့အစည်းကနေ စစ်အာဏာရှင်ကို စစ်ခုံရုံးတင်ပြီးအပြစ်ပေးပါစေလို့ ပဲဆုတောင်းမိတယ်။ ကျွန်တော့်လိုပဲ ကျွန်တော့်အမေရော ကျွန်တော့်ညီမရော ဆုတောင်းနေမိတယ်။ ကျွန်တော်တို့ရဲ့လက်နက်မဲ့ရုန်းအားနဲ့ လက်နက်ကိုင်အဖွဲ့အစည်းကိုဘယ်လိုတိုက်လို့နိုင်ပါ့မလဲတွေးပြီး စိုးရိမ်မိလာတယ်။
သံပုံးတီးသံတွေပိုညံလာတယ်။ ရင်ထဲကအနာတွေက ပျောက်ကွယ်မသွားဘူး။ ပိုပိုပြီးလေးနက်လာ တယ်။ စစ်အစိုးရဟာ သူ့ရဲ့ကွန်ရက်ကိုချဲ့ထွင်လာတယ်။
(၈၈) မျိုးဆက်ကျောင်းသားခေါင်းဆောင်ကိုမင်းကိုနိုင်က လည်းအွန်လိုင်းပေါ်မှာပေါ်လာပြီး စစ်အာဏာ ရှင်တွေဖြုတ်ချရေးအတွက်ဆောင်ရွက်နေသူတွေကို အားပေးစကားတွေ ပြောသွားတယ်။ ပြီးရင်ပျောက် သွားတယ်။ နောက် တစ်နေရာကနေပေါ်လာတယ်။ သူတို့လိုခေါင်းဆောင်တွေရဲ့စကားက လိုကိုလို အပ်တယ်။
ဆယ်လီတော်တော်များများလည်း စစ်အစိုးရကိုဆန့်ကျင်ကြောင်းကမ်ပိန်းတွေပါလာတယ်။ အားတက်ရ ပါတယ်။ မျှော်လင့်ချက်ရောင်နီတွေသမ်းရပါတယ်။ ဒါပေမဲ့ ရင်ထဲမှာတော့ စိုးရိမ်နေတုန်းပဲ။ စစ်တပ်အာ ဏာသိမ်းတာကို လုံးဝလက်မခံကြောင်း လက်သုံးချောင်ထောင်ပြီး ဓါတ်ပုံရိုက်ပို့စ်တင်တာမျိုးတွေလုပ် လာကြပြီ။ နိုင်ငံတကာကိုရောက်နေကြတဲ့ မြန်မာတွေလည်း ဆန္ဒပြကြတယ်။ ဂျပန်၊ ထိုင်း၊ ဩစတြေး လျ၊ စင်ကာပူ စသည်ဖြင့်ပေါ့။ တာဝန်ကျေကြပါတယ်။
မတရားတဲ့ကိစ္စကိုလုပ်ဖို့ကြောက်ရမယ်။ မမှန်တဲ့ကိစ္စလုပ်ဖို့ကြောက်ရမယ်။ ဒါပေမဲ့ ကျွန်တော်တို့နိုင်ငံက ဘာလုပ်လုပ်ကြောက်နေရတယ်ဆိုတဲ့အတွေးနဲ့ကြီးပြင်းလာခဲ့တယ်။ အခုမျိုးဆက်က ဒီအဖြစ်ဆိုးကြီးကို တွန်းလှန်နေကြတာဖြစ်တယ်။
ဒီနေ့မှာတော့ အမျိုးသားဒီမိုကရေစီပါတီရဲ့ကြေညာချက် အမှတ် ၁ ထွက်လာတယ်။ စစ်အစိုးရကဖွဲ့လိုက် တဲ့ အစိုးရအဖွဲ့အစည်းကိုလက်မခံဖို့နဲ့ သူတို့ကသာတရားဝင်ဖြစ်ကြောင်းစာပေါ့။ နိုင်ငံရေးကိုအထူးတ လည်နားမလည်တဲ့ကျွန်တော်တို့ကတော့ သိပ်စိတ်မဝင်စားဘူး။
ဘယ်လိုနည်းလမ်းနဲ့ ဒီလိုအုပ်ချုပ်မှုကနေလွတ်မြောက်မလဲဆိုတဲ့အတွေးကသာ ကျွန်တော်တို့အားလုံးရဲ့ ရင်ထဲမှာ ကိန်းအောင်နေတယ်။
>>>>
