ကော့ကရိတ်မြို့ဘက်မှာလည်းဒီလ၂၀ရက်နေ့ကစပြီးစစ်တပ်နဲ့KNUတို့တိုက်ပွဲတွေပြင်းထန်စွာဖြစ်ပွားလျက်ရှိတယ်။ကော့ကရိတ်မြို့နယ်၊ကျုံဒိုးမြို့အနီးကရွာတွေကိုစစ်တပ်ကအင်အား၁၅၀ခန့်နဲ့နယ်မြေကျူးကျော်ဝင်ရောက်လာလို့တော်လှန်ရေးအဖွဲ့တွေကအပြင်းအထန်ပြန်လည်ခုခံခဲ့တယ်။ဒီနေ့အထိတိုက်ပွဲတွေအတွင်းအကြမ်းဖက်စစ်သူပုန်တွေဘက်ကကိုးဆယ်ကျော်သေဆုံးပြီးပြန်လည်ဆုတ်ခွာသွားတယ်လို့သိရတယ်။စစ်တပ်ကတိုက်ပွဲနဲ့မဆိုင်တဲ့KNUနယ်မြေအတွင်းကသတ္ထုတွင်းတစ်ခုကိုလဲဗုံးကြဲတိုက်ခိုက်သွားသေးတယ်။ထိုတိုက်ပွဲတွေမှာတော်လှန်ရေးတပ်တွေဘက်ကအရင်KNUခွဲထွက်အဖွဲ့ဖြစ်တဲ့DKBAပါဝင်တိုက်ခိုက်ခဲ့တယ်လို့သိရတယ်။DKBAဟာစစ်ကောင်စီနဲ့ငြိမ်းချမ်းရေးယူထားတဲ့အဖွဲ့တစ်ခုဖြစ်ပြီးအရင်ကဘယ်ဖက်မှာမှပါဝင်တိုက်ခိုက်ခဲ့ခြင်းမရှိခဲ့ဘူး။ဒါပေမယ့်စစ်ကောင်စီကDKBAတပ်ဖွဲ့တွေကိုအကြောင်းပြချက်မရှိပဲမထင်ရက်မထင်သလိုတိုက်ခိုက်ခဲ့တာကြောင့်တော်လှန်ရေးအဖွဲ့တွေဖက်ပါဝင်လာတာဖြစ်မယ်။ဟိုတနေ့ကတင်DKBAတပ်မှုးတစ်ဦးရဲ့နေ့အိမ်ကိုစစ်တပ်ကဗုံးကြဲတိုက်ခိုက်ခဲ့သေးတယ်လေ။
ဒီဇင်ဘာ ၁၇၊ ၂၀၂၄။ (အင်္ဂါ)
ရခိုင်ပြည်နယ်၊အမ်းမြို့ရှိအနောက်ပိုင်းတိုင်းစစ်ဌာနချုပ်ကို တိုက်ခိုက်နေတဲ့ဓာတ်ပုံနဲ့ဗီဒီယိုဖိုင်တွေကိုအေအေဘက်ကထုတ်ပြန်လာပါတယ်။ဓာတ်ပုံတွေထဲမှာ အေအေရဲ့ထိုးစစ်ကြောင့်နပခဌာနချုပ်အဆောက်အအုံကြီးတစ်ခုလုံး မီးလောင်ပျက်စီးနေတာကိုရှင်းလင်းစွာတွေ့မြင်ရတယ်။ထုတ်ပြန်မှုထဲမှာတိုက်ပွဲအတွင်း လက်နက်ချလာတဲ့စစ်ကောင်စီတပ်သားတွေရဲ့ဗီဒီယိုဖိုင်တွေလဲပါတယ်။...
