လေးနှစ်တကြိမ်ကျင်းပတဲ့ကမ္ဘာဖလားပြိုင်ပွဲကြီးကတော့ရောက်ရှိလို့လာပါပြီ။အရင်နှစ်တွေကဆိုကမ္ဘာဖလားလှိုင်းလုံးကြီးကမြန်မာပြည်ကိုဝင့်ဆောင့်နေကျပဲ။လူတိုင်းဒီအကြောင်းပဲပြောကြပြီးလက်ဖက်ရည်ဆိုင်တွေမှာဘောလုံးပွဲကြည့်တဲ့သူတွေနဲ့ပြည့်နှက်နေခဲ့တာပါ။ဒီနှစ်တော့လူတွေဟာစားဝတ်နေရေးအတွက်ရုန်းကန်နေရလို့ပြိုင်ပွဲရှိမှန်းတောင်သတိမထားမိကြတော့ဘူး။ဘောလုံးပွဲရှိတဲ့အချိန်တွေကညမထွက်ရအမိန့်နဲ့အချိန်ကိုက်နေလို့အရင်လိုလက်ဖက်ရည်ဆိုင်တွေမှာလွတ်လွတ်လပ်လပ်ကြည့်လို့အဆင်မပြေတော့ဘူး။အိမ်မှာပဲကြည့်ဖို့ကလဲမီးတွေကပျက်နေသေးတယ်။ဒါကမြို့ပေါ်ကအခြေအနေတွေဖြစ်ပြီးရွာတွေဖက်ဆိုရင်စစ်ဘေးရှောင်နေရလို့ဘောလုံးပွဲဆိုတာဘာမှန်းတောင်မသိကြတော့ဘူး။လာမယ့်လဆိုရင်မြန်မာ့လက်ရွှေးစင်အသင်းကန်ရမယ့်အာဆီယံပြိုင်ပွဲတွေရှိသေးတယ်။ဒီအချိန်မှာတော့ပြည်သူတွေလဲစစ်ကောင်စီလက်အောက်ခံလက်ရွှေးစင်ဘောလုံးအသင်းကိုသပိတ်မှောက်ထားကြတယ်။အားပေးဖို့နေနေသာသာပွဲရှိမှန်းတောင်မသိကြတော့ဘူး။
