ပြည်တွင်းမှာSKDစနစ်နဲ့မော်တော်ကားတွေထုတ်လုပ်နေတဲ့ဆူဇူးကီးနဲ့ဟွန်ဒိုင်းအပါအဝင်ကားစက်ရုံအတော်များများထုတ်လုပ်မှုကိုရပ်တန့်လိုက်ပြီ။စစ်ကောင်စီရဲ့ဒေါ်လာကန့်သတ်ချက်ကြောင့်လိုအပ်တဲ့ပစ္စည်းတွေတင်သွင်းခွင့်မရတာကြောင့်လို့သိရတယ်။ဒါကြောင့်စက်ရုံထုတ်ကားဈေးတွေခုန်တက်ကုန်တယ်။ပြည်ပကကားတင်သွင်းခွင့်ကိုလဲပိတ်ထားတာကြောင့်ကားဈေးကွက်မှာသိန်းရာချီပြီးဈေးတွေတက်ကုန်ပြီ။အရင်တုန်းကလခစားဝန်ထမ်းတွေကားဝယ်စီးဖို့အိပ်မက်မက်နိုင်ပေမယ့်အခုဒီအခြေအနေနဲ့ကဘယ်လိုမှမဖြစ်နိုင်တော့ဘူး။ကားဝယ်စီးနိုင်လဲလက်ရှိဆီဈေးနဲ့ကဘီးလိမ့်ဖို့တောင်အတော်စဉ်းစားရမယ်။လူလတ်တန်းစားအလွှာတွေကိုအဓိကထိခိုက်သွားတယ်။ပြည်ပကကားတင်သွင်းခွင့်ပြန်ပေးမှကားဈေးတွေပြန်ကျနိုင်မှာဖြစ်ပြီးထိုအချက်ကလဲလက်ရှိစစ်ကောင်စီမှာဒေါ်လာရှားပါးနေတဲ့အတွက်မဖြစ်နိုင်ဘူး။ဒီအတိုင်းဆိုရင်အရင်စစ်အစိုးရခေတ်တုန်းကလိုကားဈေးတွေထောင်ချီမြင့်တက်လာလိမ့်မယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။