မန္တလေး၊ အိုးဘိုအကျဉ်းထောင်မှာ နိုင်ငံရေးအကျဉ်းသားတွေ ရိုက်နှက်ခံရတယ်လို့ မြန်မာနောင်း သတင်း မှာ ဖတ်လိုက်ရတယ်။ နှစ်ယောက်သေဆုံးပြီး ၁၃ ယောက် ဒဏ်ရာရတယ်တဲ့။ စစ်ကောင် စီက ပြည်သူလူထုအပြင် သူတို့ဖမ်းဆီးထားတဲ့သူတွေကိုလည်း မသေရုံတမယ် နှိပ်စက်နေတယ်။ စစ်ကောင် စီမကျေနပ်တဲ့သူတွေ မှန်သမျှဟာ ပြည်သူအားလုံးဖြစ်နေတယ်။ ပြည်သူတွေကို အကြောင်းအမျိုးမျိုးနဲ့ ပြပြီး လိုက်လံဖမ်းဆီးနှိပ်စက်နေတယ်။ လမ်းသွားလမ်းလာတိုင်း အရမ်းဆင်ခြင်ရတယ်။ သူတို့ကို မျက် ခြည်မပြတ်သတိထားနေရပြီး အန္တရယ်ကို ရှောင်နေရတဲ့အဖြစ်တွေပါ။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။