ဆိုင်ကယ်စီးတဲ့သူတွေကို စစ်ကောင်စီက လိုက်ဖမ်းနေတာတွေ ဆက်တိုက်လုပ်နေတယ်။ ဒီလပိုင်းထဲမှာ လုပ်နေတာ။ ဆိုင်ကယ်တွေကိုဖမ်းပြီး ပိုက်ဆံတောင်းတာ။ ရဲစခန်းအထိ ဆိုင်ကယ်တွေကိုယူသွားပြီး ပိုက်ဆံနဲ့ လာရွေးခိုင်းတာတွေရှိတယ်။ ရန်ကုန်တိုင်းဒေသကြီးနေရာအနှံ့မှာပါပဲ။ မန္တလေးမှာဆိုရင်လည်း ဈေးချိုရှိဆိုင်ခန်းတွေကို ပြန်မဖွင့်ရင်သိမ်းပစ်မယ်လို့ ခြိမ်းခြောက်တာမျိုးတွေရှိနေတယ်။ တိုင်းပြည်တည်ငြိမ်ပြီး သူတို့အုပ်ချုပ်နိုင်ပြီဆိုတာကို စစ်ကောင်စီကအရမ်းတွေပြချင်နေတယ်။ ဒါပေမဲ့ ပြည်သူတစ်ရပ်လုံးက ရသမျှနည်းနဲ့ ဆန့်ကျင်နေကြတာချည်းပါပဲ။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။