ဇန်နဝါရီ ၃၁၊ ၂၀၂၂။ (တနင်္လာ)

မနှစ်ကဒီနေ့ဟာပြည်သူတိုင်းအပူအပင်ကင်းကင်းနဲ့ဖြတ်သန်းခွင့်ရတဲ့နောက်ဆုံးရက်ဖြစ်ခဲ့တယ်။နောက်နေ့မနက်မှာအာဏာသိမ်းပြီးတနိုင်ငံလုံးအမှောင်ကျလိမ့်မယ်လို့ဘယ်သူမှတွေးမိကြမှာမဟုတ်ဘူး။အခုတော့တစ်နှစ်အတွင်းမှာနိုင်ငံရေး၊စီးပွားရေး၊လူမှုရေးအားလုံးစောက်ထိုးမိုးမျှော်တွေဖြစ်ကုန်ပြီ။နိုင်ငံဟာပြည်တွင်းစစ်နုတ်ခမ်းဝပေါ်ကိုရောက်နေပြီ။ဘာတွေဆက်ဖြစ်မလဲဆိုခန့်မှန်းလို့မရပေမယ့်သေချာတာကတော့အကောင်းဘက်ကိုဦးတည်ဖို့လမ်းစအခုချိန်ထိမတွေ့သေးဘူး။၂၀၂၂အတွင်းမှာအခြေအနေတွေဟာပိုမိုဆိုးရွားလာဖို့ပဲရှိမယ်။လူတိုင်းဟာလဲဒါကြီးဘယ်အချိန်ပီးမလဲဆိုတဲ့မျှော်လင့်ချက်နဲ့ပဲအသက်ဆက်ရှင်နေရတယ်။ဒါကြီးမပီးခင်သေချင်လဲသေသွားနိုင်တယ်။ဘာမှမရေရာတဲ့အမှောင်ကာလကြီးကိုဖြတ်သန်းနေရတယ်။