နိုဝင်ဘာ ၁၅၊ ၂၀၂၄။ (သောကြာ)​

ပြီးခဲ့တဲ့လေးရက်ကတည်းကဖြစ်ပွားနေတဲ့ ပုလဲမြို့တိုက်ပွဲဟာမြို့ကိုရလုခင်မှာပဲ စစ်ကောင်စီဘက်ကတပ်ကူတွေရောက်လာလို့ဗိုလ်နဂါးဦးဆောင်တဲ့BRNAတပ်တွေပြန်ဆုတ်ပေးခဲ့ရတယ်။ဗိုလ်နဂါးရဲ့တပ်တွေဟာ​မြို့ပေါ်မှာ စစ်သူပုန်တွေတပ်စွဲထားတဲ့နေရာအတော်များများကို ရှင်းလင်းပြီးပါပြီ။ကျန်နေတဲ့စစ်သူပုန်အကြွင်းအကျန်တွေကို လိုက်လံရှင်းလင်းနေစဥ်မှာပဲစစ်ကောင်စီဘက်က ရဟတ်ယာဥ်နဲ့တပ်ကူတွေချပေးခဲ့​တယ်။ဒီတိုက်ပွဲရက်တွေထဲမှာ စစ်ကောင်စီဘက်ကနေ့တိုင်းလေကြောင်းကနေခုခံခဲ့ပါတယ်။မြေပြင်ကစစ်ကူပေးနိုင်တဲ့လမ်းကြောင်းတွေကိုလဲ တော်လှန်ရေးအဖွဲ့တွေကဖြတ်တောက်ထားတဲ့အတွက် စစ်ကူတွေလေကြောင်းကချပေးလာတာပါ။အင်အားတစ်ရာကျော်စစ်ကူရောက်လာပြီးနောက် တော်လှန်ရေးအဖွဲ့တွေမြို့ပေါ်ကပြန်လည်ဆုတ်ခွာခဲ့ရတယ်။