တရုတ်ရဲ့ဖိအားတွေကြောင့်နဲ့ ရေဘေးကြောင့် တနိုင်ငံလုံးမှာတိုက်ပွဲတွေ ခေတ္တရပ်တန့်သလို ဖြစ်သွားတယ်။စစ်ကောင်စီအတွက်တော့ အသက်ရှူချောင်သွားတာပေါ့။ဒါပေမယ့် TLNAက တောင်ခမ်းနဲ့သီပေါမြို့ကို အပြီးသတ်ရရှိရေး ဆက်လက်တိုက်ခိုက်နေသလို ကချင်ပြည်နယ်မှာလဲKIAနဲ့စစ်တပ်တို့ ကျောက်စိမ်းထွက်ရှိရာဖားကန့်မြို့မှာ တိုက်ပွဲတွေပြင်းထန်စွာ ဖြစ်ပွားနေတယ်။ဒါ့အပြင် ဧရာဝတီမြစ်အထက်ပိုင်းမှာမြစ်ကြောင်းကို အသုံးပြုပြီး စစ်တပ်ကလက်နက်နဲ့ရိက္ခါတွေ ပို့ဆောင်နေတာကြောင့် ထိုစစ်ရေယာဥ်အုပ်စုကို တော်လှန်ရေးအဖွဲ့တွေ ပူးပေါင်းတိုက်ခိုက်နေတယ်။စစ်ကိုင်းတိုင်းထဲမှာတော့ တော်လှန်ရေးပူးပေါင်းအဖွဲ့တွေဟာ စစ်တပ်ကခြေကုတ်ယူထားတဲ့ ပျူစောထီးရွာတွေကို ဆက်လက်စီးနင်းတိုက်ခိုက်နေဆဲပါပဲ။အခြားဒေသတွေမှာတော့ စစ်ရေးထပ်ရေဘေးကို ဦးစားပေးနေရတယ်။ဒီတခေါက်ရေကြီးမှုဟာ စစ်ကောင်စီအတွက် အကျိုးအမြတ်တွေရလိုက်တယ်။ပြည်သူတွေဒုက္ခရောက်လေလေ၊ စစ်ကောင်စီကကြိုက်လေလေပဲလေ။
အောက်တိုဘာ ၀၅၊ ၂၀၂၅။ (တနင်္ဂနွေ)
ဒီနှစ်မှာဒေါ်လာစျေးဆက်တိုက်ကျနေတဲ့အဓိကတရားခံကတော့စစ်ကော်မရှင်ကသွင်းကုန်တွေပိတ်ထားလို့ပါပဲ။တနေ့ကprinterတစ်လုံးလိုချင်လို့မြို့ထဲသွားတယ်။မြို့ထဲကကွန်ပြူတာပစ္စည်းဆိုင်နှစ်ဆယ်လောက်ရှာမေးခဲ့ပေမယ့်လိုချင်တဲ့printerရှာမရခဲ့ပါဘူး။ဆိုင်တွေအားလုံးပစ္စည်းပြတ်နေတယ်ပဲပြောကြတယ်။ဘယ်အချိန်ပစ္စည်းပြန်ရမလဲဆိုတာလဲအတိအကျမပြောနိုင်ကြဘူး။အနည်းဆုံးတစ်လကနေလနဲ့ချီပြီးကြာနိုင်တယ်တဲ့။printerဆိုတဲ့ပစ္စည်းမျိုးဟာပုံမှန်ဆိုရင်စျေးကွက်မှာအလွယ်တကူဝယ်လို့ရပါတယ်။ဒီလိုပစ္စည်းမျိုးတောင်စျေးကွက်မှာပစ္စည်းပြတ်နေပါပြီ။ကွန်ပြူတာပစ္စည်းအရောင်းဆိုင်တွေအတော်များများမှာလဲခင်ကျင်းထားတဲ့ပစ္စည်းတွေအရင်လိုပေါပေါများများမတွေ့ရတော့ပါဘူး။စစ်ကော်မရှင်ကပေးတဲ့ဒုက္ခမျိုးစုံကြောင့်ဘယ်စီးပွားရေးလုပ်ငန်းမဆိုအကြပ်အတည်းဆိုက်နေကြတယ်။
