ဇူလိုင် ၂၄၊ ၂၀၂၄။ (ဗုဒ္ဓဟူး)

စစ်ခေါင်းဆောင်မင်းအောင်လှိုင်ကတော့အရှက်မရှိသမ္မတရူးရူးနေပါပြီ။သူ့ခန့်အပ်ထားတဲ့ယာယီသမ္မတဆိုသူ မြင့်ဆွေကျန်းမာရေးမကောင်းတော့လို့ယာယီသမ္မတနေရာကို သူ့ကိုယ်သူပြန်ခန့်အပ်လိုက်တယ်။မြင့်ဆွေကိုအာဏာသိမ်းကတည်းက ကာကွယ်ရေးနဲ့လုံခြုံရေးကောင်စီအစည်းအဝေးခေါ်ပြီးစစ်ကောင်စီကို၆လတကြိမ်သက်တမ်းတိုးနိုင်ဖို့အတွက်မင်းအောင်လှိုင်က ယာယီသမ္မတနေရာကို ပေးထားတယ်။ယာယီသမ္မတဆိုပေမယ့် တကယ်ကရုပ်သေးရုပ်ပါပဲ။မင်းအောင်လှိုင်ကို အကြိုအပို့လုပ်ပေးတဲ့အဆင့်သာသာပဲထားတယ်။ပြီးခဲ့တဲ့ရက်တွေကမြင့်ဆွေကျန်းမာရေးမကောင်းကြောင်း သတင်းထုတ်ပြန်လိုက်တယ်။ပြီးတော့ခပ်တည်တည်ပဲ ယာယီသမ္မတရာထူးကိုယူလိုက်ပါတယ်။
တရုတ်ကမင်းအောင်လှိုင်ကိုဆင်းခိုင်းနေချိန်မှာ အခုလိုလုပ်လိုက်တာဟာတရုတ်ကိုဂရုမစိုက်ကြောင်းပြသလိုက်တာပဲ။သြဂုတ်လ၁ရက်နေ့အတွက်ကတော့ ပိုပြီးစိတ်ဝင်စားစရာကောင်းလာပါပြီ။မင်းအောင်လှိုင်ကတော့တရုတ်လိုချင်သလိုအပြောင်းအလဲတစ်ခုခုမလုပ်ပဲထုံးစံအတိုင်း
နောက်ထပ်၆လသက်တမ်းတိုးဦးမယ်ထင်ပါတယ်။ဒီလိုဆိုရင်တော့တရုတ်ရဲ့အမျက်ဒေါသကိုရင်ဆိုင်ရမှာပဲ။နိုင်ငံတဝန်းစစ်တပ်ဟာ အကြီးအကျယ်စစ်ရှုံးနိမ့်နေချိန်မှာမင်းအောင်လှိုင်ကတော့ သမ္မတရူးရူးတာရယ်ချင်စရာပဲ။