စစ်ကောင်စီဟာ ရခိုင်ပြည်နယ်မှာ ရခိုင်လူမျိုးတွေနဲ့ ရိုဟင်ဂျာတွေကြား လူမျိုးရေး မုန်းတီးမှုပြသာနာ ဖြစ်ပွားလာအောင် ဖန်တီးနေတယ်။ ရိုဟင်ဂျာတွေကို စစ်သင်တန်းပေးပြီး အေအေ နဲ့ ဖြစ်တဲ့ တိုက်ပွဲတွေမှာ အသုံးချနေတယ်။ တိုက်ပွဲတွေမှာ ရိုဟင်ဂျာတွေ သေရင်ရခိုင်တွေသတ်တာပါ ဆိုပြီး ဝါဒဖြန့်နေတယ်။ စစ်ကောင်စီက သူတို့ဘက်ကဝင်တိုက်ပေးရင် နိုင်ငံသားခံယူခွင့်ပေးမယ်လို့ မက်လုံး ပေးထားတယ်။ ရိုဟင်ဂျာတွေကလဲ အမှတ်မရှိပဲစစ်ကောင်စီပေးတဲ့မက်လုံးကို ယုံစားနေတယ်။တဖက်မှာလဲ ဘူးသီးတောင်မြို့ကို စစ်သူပုန်တွေက မီးရှို့ပြီး ရိုဟင်ဂျာတွေရှို့တာပါ ဆိုပြီးဝါဒဖြန့် ထားတယ်။ စစ်ကောင်စီဟာ ရခိုင်ပြည်နယ်မှာ အရှုံးကြီးရှုံးနေတာကြောင့် သူတို့အရှုံးသက်သာအောင် ရခိုင် နဲ့ ရိုဟင်ဂျာကို ရန်တိုက်ပေးနေတယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။