သင်္ကြန်ကာလအတွင်းမှာလဲ နိုင်ငံတဝန်း စစ်ကောင်စီလက်အောက်ခံတပ်တွေ ဆက်တိုက်ဆိုသလို လက်နက်ချနေပါတယ်။ ဒီရက်ပိုင်းတနင်္သာရီတိုင်း၊ ထားဝယ်မြို့က တပ်ရင်းတစ်ခုလုံး KNUထံ လက်နက်ချခဲ့ တယ်လို့သိရတယ်။ အင်အား၁၀၀ကျော်ခန့်ရှိပြီး လက်နက်ချသွားတဲ့ တပ်ဖွဲ့ဝင်တွေရဲ့ မိသားစုတွေကို စစ်ကောင်စီကဖမ်းဆီးထားတယ်။ ထိုတပ်ရင်းဟာ တိုက်ပွဲတွေသိပ်ဖြစ်လေ့မရှိတဲ့ တနင်္သာရီတိုင်းမှာ ပထမဆုံးလက်နက်ချတဲ့တပ်ရင်းဖြစ်လာတယ်။ စစ်ကိုင်းတိုင်းအထက်ပိုင်း၊ ဟုမ္မလင်းမြို့မှာလဲ ပျူစောထီး ရွာလေးရွာမှ ပျူစောထီးအင်အား၁၂၀ခန့်ဟာ ဒေသတော်လှန်ရေးတပ်ဖွဲ့တွေထံ လက်နက်ချခဲ့ပါတယ်။ တော်လှန်ရေးအဖွဲ့တွေက ထိုရွာတွေကို ၁၀ရက်ကျော်ကြာ ပိတ်ဆို့တိုက်ခိုက်ခဲ့ပြီးနောက် အခုလို လက်နက်ချ ခဲ့တာပါ။ စစ်ကိုင်းတိုင်းထဲမှာ ဒီလထဲမှာပဲ တော်လှန်ရေးအဖွဲ့တွေရဲ့ တိုက်ခိုက်သိမ်းပိုက်ခြင်းကိုခံရတဲ့ ပျူစောထီးရွာတွေနဲ့ လက်နက်ချတဲ့ရွာတွေတဖြည်းဖြည်းနဲ့များပြားလာပါပြီ။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။