အာဏာသိမ်းစစ်ကောင်စီ ဆန့်ကျင်ရေး တိုက်ရိုက်သတင်း (မတ် ၁၃)

ပစ်ခတ်ဖြိုခွင်းမှုများကြုံခဲ့ရသည့် ရန်ကုန်မြို့၊ တာမွေမြို့နယ်၊ ကျောက်မြောင်းရပ်ကွက်တွင် စစ်အာဏာရှင်စနစ်အမြစ်ဖြုတ်ရေးသပိတ်စတင်နေပြီဖြစ်သည်။

စိန်ပန်းရပ်ကွက်အနီးရှိ ဆန္ဒပြလူငယ်များကို ယနေ့ နံနက်ပိုင်းမှစ၍ ယခုအချိန်အထိ အာဏာသိမ်းစစ်ကောင်စီတပ်ဖွဲ့က ပိတ်ဆို့ပစ်ခတ်နေ၍ သေဆုံးသူ လေးဦးရှိနေပြီဖြစ်သည့် မန္တလေးမြို့၌ သံဃာ့သမဂ္ဂသပိတ်စစ်ကြောင်း ချီတက်လှည့်လည်နေသည်။

မန္တလေးမြို့၊ ၄၁ လမ်း စိန်ပန်းရပ်ကွက်အနီး ကျောင်းသားလူငယ်အင်အားထောင်ချီပါဝင်သည့် စစ်အာဏာရှင်ဆန့်ကျင်ရေးထိုင်သပိတ်ကို စစ်ကောင်စီတပ်ဖွဲ့က မနက် ၁၀နာရီခွဲခန့်မှစ၍ မရပ်မနားပစ်ခတ်ဖြိုခွင်းနေရာ လက်ရှိအချိန်အထိ သေဆုံးခဲ့ရသူ လေးဦးရှိပြီဖြစ်သည်။ သံဃာ တော်တစ်ပါးအပါအဝင် အနည်းဆုံး ၁၅ဦးခန့်မှာလည်း သေနတ်ဒဏ်ရာများရရှိထားသည်။

မူရင်းသတင်း – မြန်မာနောင်း ( https://www.myanmar-now.org/mm/news/6055 )