အာဏာသိမ်းစစ်တပ်ကိုထောက်ခံပြီးစစ်တပ်ဖက်ကလူမျိုးရေးဘာသာရေးမှိုင်းတွေကိုဖြန့်ဝေပေးနေသူအဆိုတော်လီလီနိုင်ကျော်ဟာဒီနေ့သူမရဲ့ကားပေါ်မှာပဲပစ်ခတ်လုပ်ကြံခံရပြီးသေဆုံးသွားတယ်။သူမဟာတော်လှန်ရေးဘက်တော်သားတွေရဲ့သတင်းတွေကိုစစ်ကောင်စီကိုပေးနေလို့လုပ်ကြံလိုက်ရတာလို့တော်လှန်ရေးအဖွဲ့တွေဖက်ကပြောတယ်။အဆိုတော်လီလီနိုင်ကျော်ဟာစစ်ကောင်စီထိပ်ပိုင်းကလူတွေနဲ့ရင်းနှီးသူတစ်ယောက်ဖြစ်ပြီးအာဏာသိမ်းခါစစစ်ကောင်စီရဲ့စီစဉ်မှုနဲ့ဘီဘီစီသတင်းဌာနနဲ့တွေ့ဆုံခွင့်ရတဲ့သူတွေထဲမှာပါဝင်လိုက်သေးတယ်။အဲ့တုန်းကတည်းကပြည်သူတွေကသူမကိုအမြင်မကြည်ခဲ့ဘူး။သူကိုယ်တိုင်ကလဲထိမ်းထိမ်းသိမ်းသိမ်းမနေထိုင်ခဲ့တဲ့အတွက်ဒီလိုအခြေနေမျိုးကြုံရတာပဲ။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။