တရုတ်ကိုယ်စားလှယ်နဲ့ရှမ်းမြောက်ကEAOအဖွဲ့ တွေ့ဆုံပွဲကသတင်းအချက်အလက်တွေကို မြန်မာနောင်းသတင်းဌာနက ဖွင့်ချလိုက်ပါတယ်။ထိုတွေ့ဆုံပွဲကို MNDAAက လားရှိုးမြို့ကိုသိမ်းပိုက်ပြီးနောက်ပိုင်းမှာ ပြုလုပ်ခဲ့တယ်လို့သိရတယ်။စစ်ကောင်စီကိုတိုက်ခိုက်နေတဲ့ တိုင်းရင်းသားလက်နက်ကိုင်တွေနဲ့ မတွေ့ဆုံခင်မှာ တရုတ်နိုင်ငံခြားရေးဝန်ကြီးဟာ နေပြည်တော်ကိုလာရောက်ပြီး စစ်ခေါင်းဆောင်မင်းအောင်လှိုင်နဲ့တွေ့ဆုံခဲ့တယ်။အဲ့ဒီနောက် တရုတ်အထူးကိုယ်စားလှယ်ဟာ တရုတ်မြန်မာနယ်စပ်မျဥ်းပေါ်က EAOတွေဖြစ်တဲ့ ကချင်အဖွဲ့၊ကိုးကန့်အဖွဲ့၊တအောင်းအဖွဲ့၊ဝအဖွဲ့တို့နဲ့ ဆက်တိုက်ဆိုသလို တွေ့ဆုံခဲ့တယ်။အဓီကကတော့ထိုEAOတွေအနေနဲ့စစ်ကောင်စီကို ဆက်လက်မတိုက်ခိုက်ဖို့ ဖိအားပေးခဲ့တာလို့သိရတယ်။ထိုအဖွဲ့တွေထဲမှာမှ တရုတ်နဲ့အနီးကပ်ဆုံးအဖွဲ့ဖြစ်တဲ့ ကိုးကန့်အဖွဲ့MNDAAကို အပြင်းအထန်ဖိအားပေးခဲ့တယ်။ဒါ့ကြောင့်MNDAAဟာ မန္တလေး၊တောင်ကြီးစတဲ့မြို့ကြီးတွေအပါအဝင် စစ်ကောင်စီကိုဆက်လက်မတိုက်ခိုက်တော့ပါဘူးလို့ တရုတ်အလိုကျ စာတစောင်ကိုပီးခဲ့တဲ့အပတ်က ထုတ်ပြန်ခဲ့ရတယ်။အခုတော့မြန်မာနောင်းက ထုတ်ပြန်လိုက်တဲ့သတင်းကြောင့် ထိုတွေ့ဆုံပွဲတွေမှတိုင်းရင်းသားလက်နက်ကိုင်တွေအပေါ် တရုတ်ရဲ့အနိုင်ကျင့်စော်ကားမှုတွေ၊အပြင်းအထန်ဖိအားပေးမှုတွေကို မျက်ဝါးထင်ထင်တွေ့မြင်လိုက်ရတယ်။
