မင်းအောင်လှိုင်ဦးဆောင်တဲ့ အကြမ်းဖက်စစ်ကောင်စီဟာ သူတို့ကိုတိုက်ခိုက်နေတဲ့EAO တွေနဲ့PDF တွေကိုလက်နက်ကိုင်လမ်းစဥ်ကိုစွန့်လွတ်ပြီး နိုင်ငံရေးနည်းလမ်းနဲ့ငြိမ်းချမ်းရေး ဆွေးနွေးဖို့ဖိတ်ခေါ်လိုက်ပါတယ်။ပြောချင်တာကတော့ EAOတွေလက်နက်စွန့်ပြီး ပါတီထောင်၊ရွေးကောက်ပွဲဝင်ပြိုင်ပေါ့။မြန်မာပြည်အကြောင်း သေချာမသိသူတွေရဲ့အမြင်မှာဆိုရင်တော့ ဒီဖိတ်ခေါ်မှုကြောင့်မြန်မာပြည်ကြီး ငြိမ်းချမ်းတော့မယ်ထင်ကြမှာပဲ။။အဲ့ဒီလောက်အထိ မရိုးရှင်းပါဘူး။တနိုင်ငံလုံးကို ဗုံးကြဲ၊လူသတ်၊လုယက်ဖျက်စီးနေတဲ့ စစ်ကောင်စီဟာ ငြိမ်းချမ်းရေးဆွေးနွေးချင်ပါတယ်ဆိုတာ ဘယ်သူမှယုံမှာမဟုတ်ပါဘူး။သူတို့ကဟန်ပြသာ ထုတ်ပြောနေတာပါ။ထိုဖိတ်ခေါ်မှုကြောင့်လဲ ဘာမှထူးခြားလာမှာမဟုတ်ပါဘူး။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။