ဇူလိုင် ၁၁၊ ၂၀၂၄။ (ကြာသပတေး)

ဇူလိုင်လ ၁ ရက်​နေ့ ပုဂ္ဂလိကဘဏ် ၇ ခုနှင့်ဘဏ်ပိုင်ရှင်များကို စစ်ကောင်စီက အိမ်ရာချေးငွေများ ဗဟိုဘဏ်သတ်မှတ်ထားသည်ထက် ပို၍ ထုတ်ချေးမှုဖြင့် အရေးယူမည်ဟု
ကြေညာပြီးနောက် ထင်ထားတဲ့အတိုင်း လူတွေဘဏ်တွေမှာစုပြုံ​ငွေထုတ်နေကြပြီ။ရန်ကုန်ရှိ ပုဂ္ဂလိကဘဏ်အများစုတွင် ငွေအပ်နှံသူ လုံး၀ မရှိတော့ဘဲ ငွေထုတ်သူများသာ စုပြုံတိုးဝှေ့နေ၍ တစ်ပတ်လျှင် ဘဏ်အကောင့်တစ်ခုအတါက် ငွေကျပ် ၁၀ သိန်းမှ အများဆုံး သိန်း ၂၀ သာထုတ်ပေးတော့တယ်။ စိတ်ကြိုက်ငွေထုတ်လို့ရပါတယ်လို့ ပြောထားတဲ့ Specialဘဏ်အကောင့်တွေတောင် တစ်ခုလျှင် တစ်နေ့ သိန်း ၂၀ သာ ငွေထုတ်ပေးတော့တယ်။ဘဏ်တိုင်းလိုလို အတူတူပါပဲ။ ဒါ့အပြင် ATM စက်တွေပါ ကန့်သတ်ကုန်ပြီ။ ATM
စက်တွေမှာလည်း သူ့ဘဏ်၊ သူ့ကတ်ပဲ ထုတ်လို့ရတော့တယ်။ ဥပမာ- ရိုးမ ATM ငွေထုတ်စက်မှာ ဧရာ၀တီ ATM ဘဏ်ကတ် ထုတ်မရတော့ဘူး။လက်ရှိမှာ ပုဂ္ဂလိကဘဏ်များအားလုံးတွင် ငွေအပ်နှံသူ လုံး၀ မရှိသလောက်ဖြစ်နေပြီး ငွေထုတ်ယူကြသူများသာ များပြားနေသည့်အတွက် ဘဏ်များ အခက်တွေ့နေကြတယ်။ ထို့ပြင် ပုဂ္ဂလိကဘဏ်များတွင် မှတ်ပုံတင်ဖြင့် ငွေလွှဲမှုများကိုလည်း ကန့်သတ်နေပြီး မဖြစ်မနေလွှဲမည်ဆိုပါကလည်း ငွေကျပ် ၃ သိန်းသာ အများဆုံး အလွှဲခံတော့တယ်။ အခြေအနေက တစ်နေ့ တစ်ခြားဆိုးလာနေတယ်။