ဇွန် ၁၉၊ ၂၀၂၄။ (ဗုဒ္ဓဟူး)

ဟိုတစ်နေ့ကတင် ချင်းပြည်နယ်အကြောင်းပြောလို့မဆုံးခင်မှာပဲ ချင်းပြည်နယ်မှာ တော်လှန်ရေး အဖွဲ့ နှစ်ဖွဲ့ အချင်းချင်းတိုက်ခိုက်နေကြပါပြီ။ တော်လှန်ရေးကာလတစ်ခုကြာလာပြီးနောက် ချင်းပြည်နယ်မှာ အဖွဲ့ကြီးနှစ်ခုကွဲလာတယ်။ ချင်းပြည်နယ်မှာအရင်ကရှိပြီးသားEAOဖြစ်တဲ့ CNAဦးဆောင်တဲ့ ချင်းပြည်နယ် ကောင်စီအဖွဲ့နှင့် ရခိုင်ကအေအေတပ်တော်နဲ့ မဟာမိတ်ဖွဲ့ထားတဲ့ ချင်းညီနောင်အဖွဲ့တို့ ဖြစ်တယ်။ ချင်းကောင်စီအဖွဲ့ဟာ ချင်းပြည်နယ်မြောက်ပိုင်းမှာ အခြေစိုက်ပြီး ချင်းညီနောင်အဖွဲ့ကတော့ ချင်းတောင်ပိုင်းမှာ အခြေစိုက်တယ်။ ထိုနှစ်ဖွဲ့ဟာအစမှာတော့ ဘုံရန်သူဖြစ်တဲ့ စစ်ကောင်စီကို ဦးတည် တိုက်ခိုက်နေကြပေမယ့် နောက်ပိုင်းမှာတော့ အချင်းချင်းမကြေလည်မှုလေးတွေ ရှိလာခဲ့တယ်။ အခုတော့ အချင်းချင်းပြန်လည်တိုက်ခိုက်ကြတဲ့ အခြေအနေတွေဖြစ်လာပြီ။ချင်းညီနောင်အဖွဲ့ဟာ ချင်းပြည်နယ် တောင်ပိုင်းက မတူပီမြို့ကို တိုက်ခိုက်နေပြီး ထိုတိုက်ပွဲတွေ ချင်းကောင်စီတပ်ဖွဲ့တွေ ဝင်ရောက်လာပြီး ချင်းညီနောင်တပ်ဖွဲ့တွေကို တိုက်ခိုက်ရာမှ အချင်းချင်းတိုက်ပွဲတွေ ဖြစ်လာတာပါ။ထိုတိုက်ပွဲ​တွေကြောင့် စစ်ကောင်စီကို တိုက်နေတဲ့မတူပီ​မြို့သိမ်းတိုက်ပွဲကို ခဏရပ်ထားရတယ်။ အခြေအနေတွေကတော့ စစ်ကောင်စီအကြိုက်ပေါ့။