မြန်မာပြည်အလယ်ပိုင်း မြေလတ်ဒေသမှာ ဝမ်းနည်းစရာဆုံးရှုံးမှုတွေ ကြုံနေရပေမယ့် တိုင်းရင်းသား နယ်မြေတွေနဲ့ စစ်ကိုင်းတိုင်းအထက်ပိုင်းမှာတော့ မြို့သိမ်းတိုက်ပွဲတွေ ၊ အောင်မြင်မှုတွေ ဆက်တိုက် ရှိနေပါတယ်။ စစ်ကိုင်းတိုင်းအထက်ပိုင်း အိန္ဒိယနယ်စပ်မြို့ဖြစ်တဲ့ တမူးမြို့အနီးရှိ မြို့သစ်မြို့ကို တော်လှန်ရေးအဖွဲ့တွေ သိမ်းပိုက်လိုက်နိုင်တယ်။ ထိုမြို့အနီးကခမ်းပတ်မြို့ကို မနှစ်ကတည်းက သိမ်းပိုက်ထားတာဖြစ်ပြီး အခုလိုသိမ်းပိုက်နိုင်တာကြောင့် ထိုဒေသမှာ စစ်ကောင်စီတပ်ဖွဲ့ဝင်တွေဟာ တမူးမြို့ပေါ်မှာပဲ ကွက်ကွက်လေးကျန်တော့တယ်။ ကချင်ပြည်နယ်မှာလဲ KIAက ဆင်ဘိုမြို့နဲ့ ဆွမ်ပရာဘွမ်မြို့ကို သိမ်းပိုက်လိုက်နိုင်ပြီးနောက် ဧရာဝတီမြစ်ကမ်းနဘေးက ဗန်းမော်မြို့ကို ပတ်လည် ဝိုင်းထားတယ်။ ဒါ့အပြင်မိုးမောက်နဲ့ မန်စီမြို့ကိုရရှိရေး ဆက်လက်ထိုးစစ်ဆင်နေတယ်။ ကချင်ပြည်နယ် မှာလဲ အနည်းဆုံးမြို့လေးမြို့နဲ့ စစ်ကောင်စီတပ်စခန်း၁၀၀နီးပါးကို သိမ်းပိုက်ထားပြီးပါပြီ။ KIAရဲ့ ထိုးစစ်တွေငြိမ်သွားပြီလို့ထင်ရပေမယ့် အခုချိန်ထိတော့ အရှိန်မလျော့ပဲ ဖြည်းဖြည်းနဲ့ မှန်မှန်ရှေ့ဆက် နေတယ်။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...