မကွေးတိုင်းဆောမြို့နယ်မှ အကြည်ပန်းရွာဘုန်းကြီးကျောင်းကို စစ်ကောင်စီကလေကြောင်းမှ ဗုံးကြဲခဲ့တာကြောင့် ဒေသခံ ၂၀ ဦးထက် မနည်းသေဆုံးပြီး အများအပြားဒဏ်ရာရရှိခဲ့ပါတယ်။ ဒဏ်ရာရသူတွေထဲမှာ ကျောင်းထိုင်ဆရာတော်လဲ ပါဝင်တယ်လို့ သိရတယ်။ မြေပြင်မှာ တိုက်ပွဲဖြစ်ပွားခြင်းမရှိပဲ ရပ်ရွာကိစ္စအစည်းအဝေးလုပ်နေချိန်မှာ တိုက်ခိုက်ခံရတာကြောင့် လူအများအပြား ထိခိုက်သေဆုံးခဲ့ရတယ်။ ဂျက်ဖိုက်တာနဲ့ ၂ ကြိမ်တောင် ဘုန်းကြီးကျောင်းတည့်တည့် ကြဲချသွားတာဖြစ်ပြီး ကျောင်းဆောင်ထဲမှာ လူစုလူဝေးနဲ့ ရှိနေတဲ့အချိန်ကြီးကို ယုတ်မာစွာပြုလုပ်သွားတာပါ။ ဒီဖြစ်ရပ်ဟာ ဒီနှစ်အတွင်းမှာ ပထမဆုံး စစ်ကောင်စီရဲ့အစုလိုက်အပြုံလိုက် လူသတ်မှုကျူးလွန်ခြင်းပါ။ အရင်နှစ်တွေကလဲ ဒီလိုလုပ်ရပ်မျိုး စစ်တပ်က ကျူးလွန်နေကျပဲ။ သူတို့တိုက်ခိုက်ခဲ့သမျှ ပစ်မှတ်တွေအားလုံးဟာ တော်လှန်ရေးအဖွဲ့တွေကို ထိခိုက်ခြင်းမရှိပဲ ပြည်သူတွေသာသေဆုံးခဲ့ရတယ်။ ဒီအမျိုးယုတ်တွေမြန်မြန်ကျဆုံးပါစေ။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...