တနင်္သာရီတိုင်းမှာတော့ စခန်းသိမ်းတိုက်ပွဲတွေဆက်တိုက်လုပ်နေတယ်။ ဒေသခံတွေကို စစ်ရေးသတိ ရှိဖို့နဲ့ လေကြောင်းကာကွယ်ရေးလုပ်ငန်းစဉ်တွေ လုံခြုံထိရောက်စွာလုပ်ဆောင်ထားဖို့ သတိပေးချက်တွေ ထုတ်ပြန်ထားတယ်။ စစ်တပ်က သူတို့ရှုံးတဲ့စခန်းတွေကို ပြန်ရဖို့အတွက် လေကြောင်းပစ်ကူတွေဆက် တိုက်လုပ်နေတယ်။ တနင်္သာရီတိုင်းအတွင်းတော်လှန်ရေးအင်အားစုတွေဟာ မေလ ၈ရက်က ပဲဒက်စခန်းအားသိမ်းပိုက်ခဲ့သလို တနင်္သာရီမြို့နယ်၊ သိန္ဒောရွာရှိ စစ်ကောင်စီစခန်းကိုဧပြီလ ၂၃ ရက်နေ့မှ မေလ ၈ ရက်နေ့အထိထိုးစစ်ဆင်တိုက်ခိုက်ခဲ့ပါတယ်။ တိုက်ပွဲတွေကတော့ အခုအချိန်ထိအရှိန် ကောင်းနေဆဲပါပဲ။ ပြည်သူတွေဒုက္ခရောက်ရပေမယ့် ဆက်ပြီးတောင့်ခံထားနိုင်ကြပါစေလို့ပဲ ဆုတောင်း နေမိပါတယ်။
အောက်တိုဘာ ၀၅၊ ၂၀၂၅။ (တနင်္ဂနွေ)
ဒီနှစ်မှာဒေါ်လာစျေးဆက်တိုက်ကျနေတဲ့အဓိကတရားခံကတော့စစ်ကော်မရှင်ကသွင်းကုန်တွေပိတ်ထားလို့ပါပဲ။တနေ့ကprinterတစ်လုံးလိုချင်လို့မြို့ထဲသွားတယ်။မြို့ထဲကကွန်ပြူတာပစ္စည်းဆိုင်နှစ်ဆယ်လောက်ရှာမေးခဲ့ပေမယ့်လိုချင်တဲ့printerရှာမရခဲ့ပါဘူး။ဆိုင်တွေအားလုံးပစ္စည်းပြတ်နေတယ်ပဲပြောကြတယ်။ဘယ်အချိန်ပစ္စည်းပြန်ရမလဲဆိုတာလဲအတိအကျမပြောနိုင်ကြဘူး။အနည်းဆုံးတစ်လကနေလနဲ့ချီပြီးကြာနိုင်တယ်တဲ့။printerဆိုတဲ့ပစ္စည်းမျိုးဟာပုံမှန်ဆိုရင်စျေးကွက်မှာအလွယ်တကူဝယ်လို့ရပါတယ်။ဒီလိုပစ္စည်းမျိုးတောင်စျေးကွက်မှာပစ္စည်းပြတ်နေပါပြီ။ကွန်ပြူတာပစ္စည်းအရောင်းဆိုင်တွေအတော်များများမှာလဲခင်ကျင်းထားတဲ့ပစ္စည်းတွေအရင်လိုပေါပေါများများမတွေ့ရတော့ပါဘူး။စစ်ကော်မရှင်ကပေးတဲ့ဒုက္ခမျိုးစုံကြောင့်ဘယ်စီးပွားရေးလုပ်ငန်းမဆိုအကြပ်အတည်းဆိုက်နေကြတယ်။
