စစ်မှုထမ်းဉပဒေဒုတိယအသုတ်အတွက် စစ်ကောင်စီကပြင်ဆင်နေရာမှာ လူစားထိုးတာတွေများလာ တယ်လို့ သတင်းတွေမှာဖတ်ရတယ်။ ရန်ကုန်ကျောက်တန်းမြို့က ရွာတွေမှာဆိုရင်လည်း စစ်မှုမထမ်းနိုင် ရင် တစ်အိမ်ကို ငါးသောင်းနှုန်းပေးရတယ်လို့ အမှန်တကယ်ပေးခဲ့ရသူနှစ်ယောက်က ကျွန်တော့်ကိုပြော ပြတာမို့အတော်အလေးဆိုးတဲ့အခြေအနေပါပဲ။ ဧရာဝတီတိုင်းထဲကရွာတွေမှာလည်း အတင်းအဓမ္မစစ်မှု ထမ်းဖို့လိုက်ခေါ်နေတာကြောင့် လူငယ်တွေပုန်းရှောင်နေကြရတယ်။ စစ်ကောင်စီအထိနာနေတဲ့အခုချိန် မှာ စစ်မှုထမ်းဖို့ပါသွားပြီဆိုရင်တော့ သေချာတယ် သေလူပဲ။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။