အခုရက်ပိုင်း ကချင်တွေလက်စွမ်းပြနေတယ်။ ကချင်ပြည်နယ် ဗန်းမော်မြို့နယ်ရဲ့ စင်းခန်းကျေးရွာ စင်းခန်းဧရာဝတီမြစ်ကူးတံတား အပါအဝင် စစ်ကောင်စီရဲ့ တပ်စခန်း ၅ ခုကို မေလ ၇ ရက်နေ့မှာ အပြီးသတ်သိမ်းပိုက်လိုက် တယ်လို့ ကချင်လွတ်မြောက်ရေး တပ်မတော် (KIA)က အတည်ပြုတဲ့သတင်း ဖတ်ရပါတယ်။ စစ်ပွဲဆိုတော့ နှစ်ဖက်စလုံးနစ်နာတာရှိနိုင်ပေမယ့် စစ်ကောင်စီဖက်က အကျပိုများတာ ကို ပြည်သူတစ်ဦးပီပီဝမ်းသာကျေနပ်နေတယ်။ ရခိုင်မှာလည်း အေအေက လက်စွမ်းပြနေတယ်။ စစ်ကောင် စီအတွက် စစ်ပန်းချိန်ဖြစ်နေသလို သူတို့ရှုံးမဲမဲနေတာကိုလည်း ကွက်ကွက်ကွင်းကွင်းမြင်နေရတယ်။ နွေ ဦးတော်လှန်ရေးအောင်ပွဲအတွက် မကြာခင်ရောက်လာပါစေလို့ မျှော်လင့်မိနေတယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။