အခုရက်ပိုင်း ကချင်တွေလက်စွမ်းပြနေတယ်။ ကချင်ပြည်နယ် ဗန်းမော်မြို့နယ်ရဲ့ စင်းခန်းကျေးရွာ စင်းခန်းဧရာဝတီမြစ်ကူးတံတား အပါအဝင် စစ်ကောင်စီရဲ့ တပ်စခန်း ၅ ခုကို မေလ ၇ ရက်နေ့မှာ အပြီးသတ်သိမ်းပိုက်လိုက် တယ်လို့ ကချင်လွတ်မြောက်ရေး တပ်မတော် (KIA)က အတည်ပြုတဲ့သတင်း ဖတ်ရပါတယ်။ စစ်ပွဲဆိုတော့ နှစ်ဖက်စလုံးနစ်နာတာရှိနိုင်ပေမယ့် စစ်ကောင်စီဖက်က အကျပိုများတာ ကို ပြည်သူတစ်ဦးပီပီဝမ်းသာကျေနပ်နေတယ်။ ရခိုင်မှာလည်း အေအေက လက်စွမ်းပြနေတယ်။ စစ်ကောင် စီအတွက် စစ်ပန်းချိန်ဖြစ်နေသလို သူတို့ရှုံးမဲမဲနေတာကိုလည်း ကွက်ကွက်ကွင်းကွင်းမြင်နေရတယ်။ နွေ ဦးတော်လှန်ရေးအောင်ပွဲအတွက် မကြာခင်ရောက်လာပါစေလို့ မျှော်လင့်မိနေတယ်။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...