ပြည်သူကိုရန်သူလိုဆက်ဆံနေတာဟာ ကမ္ဘာမှာ မြန်မာစစ်တပ်က အဆိုးဆုံးဖြစ်လိမ့်မယ်လို့ တစ်ထစ် ကျွန်တော်ယုံကြည်ထားတယ်။ တစ်နိုင်ငံလုံးမှာရှိတဲ့ ပြည်သူတွေကို ဒုက္ခမျိုးစုံပေးပြီး အဖက်ဖက်ကနှိပ် ကွပ်နေတယ်။ ဖတ်မိတဲ့ သတင်းတစ်ပုဒ်ကတော့ ခံပြင်းစရာပဲ။ မွန်ပြည်နယ် ရေးမြို့နယ် ကော့ဒွတ်ကျေး ရွာအုပ်စု ကူးတို့ဆိပ်ရွာမှာ မေလ ၃ ရက်က စစ်ကောင်စီရဲ့ ကား ၃စီး မီးရှို့ခံရမှု အတွက် ဒေသခံတွေကို လျော်ကြေး ကျပ် သိန်း ၂၈၀ ပေးဖို့ စစ်တပ်ကတောင်းထားသတဲ့။ မပေးရင် ရွာကိုမီးရှို့မယ်လို့လည်း ခြိမ်းခြောက်ထားတယ်လို့ဆိုတယ်။ ဒေါသထွက်စရာကောင်းလိုက်တာ။ စစ်တပ်ဟာ လက်နက်အားကိုးနဲ့ ပြည်သူတွေကို ခြိမ်းခြောက်မယ်၊ ရွာကို မီးရှို့မယ်၊ အပြစ်မဲ့တဲ့ပြည်သူတွေကို ရက်ရက်စက်စက်သတ်မယ် ဆိုတဲ့ လူမဆန်တဲ့လုပ်ရပ်တွေကိုသာရွေးလုပ်တတ်တဲ့အဖွဲ့အစည်းဖြစ်တယ်။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...