မြဝတီမြို့၊ထိုင်းမြန်မာနယ်စပ်တံတားအနီးမှာ တပ်စွဲထားတဲ့စစ်သူပုန်တွေကို တော်လှန်ရေးပူးပေါင်းအဖွဲ့တွေက ဧပြီ၉ရက်နေ့ညကစပြီး တိုက်ခိုက်ခဲ့ပါတယ်။ ထိုနေ့ညက ဒရုန်းတွေနဲ့ဗုံးကြဲစတင်တိုက်ခိုက်ခဲ့ပြီးနောက် ၃၆နာရီကြာအောင် ထိုနေရာမှာ တိုက်ပွဲပြင်းထန်ခဲ့ပါတယ်။ စစ်ကောင်စီဘက်လဲ တနေကုန်လေကြောင်းကနေ ဗုံးအလုံးပေါင်းရာနဲ့ချီပြီး ကြဲချကာခုခံခဲ့တယ်။ စစ်ကောင်စီရဲ့လေကြောင်းကနေအပြင်းအထန်တိုက်ခိုက်မှုကြောင့် သောင်ရင်းမြစ်သာခြားတဲ့ ထိုင်းဘက်အခြမ်းမှာ ထိုင်းစစ်တပ်ကလုံခြုံရေးအပြည့်ယူထားရတယ်။ ဒေသခံပြည်သူ၃၀၀၀ခန့်ဟာလဲ မြစ်ကိုဖြတ်ကူးကာ ထိုင်းဘက်ကိုအရေးပေါ်စစ်ရှောင်ကြရတယ်။ KNUနဲ့ပူးပေါင်းတပ်တွေဟာ ထိုစစ်သူပုန်တွေကို အပြီးသတ်မချေမှုန်းနိုင်ဘဲ ဒီနေ့မနက်မှာ ပြန်လည်ဆုတ်ခွာသွားကြတယ်။ တိုက်ပွဲဟာနယ်စပ်မျဉ်းပေါ်မှာဖြစ်နေတဲ့အတွက် အဆင်မပြေခဲ့ပါဘူး။ ဒါ့အပြင်စစ်သူပုန်တွေတပ်စွဲထားတဲ့နေရာပတ်ဝန်းကျင်ဟာ သတ်ကွင်းပုံစံဖြစ်နေခြင်းကြောင့် ထင်သလောက်ခရီးမပေါက်ခဲ့ဘူးလို့သိရတယ်။ တဖက်မှာလဲ မြဝတီတမြို့လုံးကို စစ်ကောင်စီက ဗုံးကြဲဖျက်စီးပစ်မယ်ဆိုတဲ့သတင်းတွေထွက်ပေါ်နေတယ်။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...