မြန်မာပြည်ရဲ့ လက်ရှိနယ်စပ်ကုန်သွယ်ရေး အခြေအနေတွေအကြောင်းပြောရရင် နယ်စပ်ကုန်သွယ်ရေးစခန်း စုစုပေါင်း ၁၇ ခုရှိတဲ့အနက် ခြောက်ခုကို တိုင်းရင်းသားလက်နက်ကိုင် (EAOs)တွေနဲ့တော်လှန်ရေး အင်အားစု တွေက သိမ်းပိုက်ထားပြီး စစ်ကောင်စီဟာ တရားဝင်နယ်စပ်ကုန်သွယ်မှု ရဲ့ ၆၀ရာခိုင်နှုန်းနီးပါးကို ဆုံးရှုံးသွားပြီ ဖြစ်ပါတယ်။ အာဏာသိမ်းပြီးနောက် သုံးနှစ်တာ ကာလအတွင်း မြန်မာနိုင်ငံရဲ့ နယ်စပ်ကုန်သွယ်မှု တန်ဖိုး စုစုပေါင်းမှာ အမေရိကန် ဒေါ်လာ ၂၄ ဘီလီယံကျော်ရှိခဲ့ပါတယ်။ အဲဒီအနက် တိုင်းရင်းသားလက်နက်ကိုင် (EAOs)တွေ နဲ့တော်လှန်ရေး အင်အားစုတွေ လက်ရှိထိန်းချုပ်ထားတဲ့ နယ်စပ်ကုန်သွယ်ရေးစခန်း ခြောက်ခုရဲ့ တရားဝင် ကုန်သွယ်မှုတန်ဖိုးဟာ အမေရိကန်ဒေါ်လာ ၁၄ ဘီလီယံကျော်ရှိပါတယ်။ စစ်ကောင်စီ ထိန်းချုပ်ထားဆဲဖြစ်တဲ့ ကျန်နယ်စပ် ကုန်သွယ်ရေးစခန်း ခြောက်ခုရဲ့ကုန်သွယ်မှုတန်ဖိုးက အမေရိကန် ဒေါ်လာ ၁၀ဘီလီယံ နီးပါခန့် ရှိပါတယ်။ အာဏာသိမ်းပြီးနောက် သုံးနှစ်တာကာလအတွင်း မြန်မာနိုင်ငံရဲ့ ပြည်ပကုန်သွယ်မှုတန်ဖိုးဟာ စုစုပေါင်း အမေရိကန် ဒေါ်လာ ၉၄ဘီလီယံကျော်ရှိပါတယ်။ ပင်လယ်ရေကြောင်း ကုန်သွယ်မှုကနေ အမေရိကန်ဒေါ်လာ ၆၉ ဘီလီယံ ရရှိပြီး စုစုပေါင်းကုန်သွယ်မှုရဲ့ ၇၃ ရာခိုင်နှုန်းကျော် ရှိပါတယ်။ အဲဒါကြောင့် မြန်မာ့ပြည်ပ ကုန်သွယ်မှုရဲ့ ၁၆ရာခိုင်နှုန်းနီးပါးကို တော်လှန်ရေးအင်အားစုတွေက ထိန်းချုပ်ထားနိုင်ပြီလို့ ပြောလို့ရတယ်။ အခုလောလောဆယ် မြဝတီမြို့ဘက်မှာရပ်တန့်နေတဲ့ နယ်စပ်ကုန်သွယ်ရေးလမ်းကြောင်းကို ထိုင်းနိုင်ငံ ရနောင်းမြို့မှ မြန်မာနိုင်ငံတောင်ဘက်စွန်း ကော့သောင်းမြို့ကို ကူးပြီးကော့သောင်းမှတဆင့် ရန်ကုန်ကို ပင်လယ်ရေကြောင်း မှ တဆင့် ကုန်ကူးခွင့်ကိုစစ်ကောင်စီက ခွင့်ပြုပေးလိုက်ပါတယ်။ နယ်စပ်ကုန်သွယ်ရေး စခန်းတွေ အများအပြားဆုံးရှုံးထားရတဲ့အတွက် စစ်ကောင်စီဟာရတဲ့ အပေါက်က ရသလိုကုန်သွယ်ဖို့ ကြိုးစားနေရတယ်။
စက်တင်ဘာ ၀၁၊ ၂၀၂၄။ (တနင်္လာ)
အကြမ်းဖက်စစ်ကောင်စီက စက်တင်ဘာလ ၁ ရက်နေ့မှစတင်ပြီး ဆေးဝါးအပါအဝင်...