မနေ့ညက စစ်တပ်ရဲ့တပ်မြို့ဖြစ်တဲ့ မန္တလေးတိုင်း၊ ပြင်ဦးလွင်မြို့ကို ရှော့တိုက်ဒုံးတွေနဲ့ တော်လှန်ရေးအဖွဲ့တွေက တိုက်ခိုက်ခဲ့တယ်။ စစ်တက္ကသိုလ်တွေ တည်ရှိရာနေရာတွေကို အဓိကဦးတည်ပြီး ရှော့တိုက်ဒုံး၃၀ကျော်နဲ့ တိုက်ခိုက်ခဲ့တာပါ။ အကြမ်းဖက်စစ်ခေါင်းဆောင် မင်းအောင်လှိုင်ဟာ သင်္ကြန်ပွဲဆင်နွဲဖို့ပြင်ဦးလွင်ကို ရောက်ရှိနေတယ်လို့ သတင်းရထားတာလဲ ပါတာပေါ့။ ဒါပေမယ့်မင်းအောင်လှိုင်ဟာ မနေ့ကမနက်ကတည်းက ပြင်ဦးလွင်က ပြန်လည်ထွက်ခွာသွားပြီး တိုက်ခိုက်ခံရချိန်မှာ မြို့ပေါ်မှာမရှိတော့ဘူးလို့ သိရတယ်။ သူကံကောင်းသွားတာပေါ့။ စစ်တပ်ရဲ့မြို့ဖြစ်တဲ့ ပြင်ဦးလွင်ကို အရင်ကလဲရှော့တိုက်ဒုံးတွေနဲ့ တိုက်ခိုက်ခဲ့တာမျိုးရှိပေမယ့် အခုတစ်ခေါက်ကတော့ အလုံး၃၀ကျော်နဲ့ အပြင်းထန်ဆုံးလို့ပြောရမယ်။ အတွင်းသတင်းတွေအရတော့ စစ်တက္ကသိုလ်ထဲက ဗိုလ်လောင်းတချို့ ထိခိုက်သေဆုံးမှုရှိတယ်လို့ သိရတယ်။ အရင်က ပြင်ဦးလွင်လိုမြို့ကို တိုက်ခိုက်နိုင်ဖို့နေနေသာသာ အနားတောင်မကပ်နိုင်ခဲ့ပါဘူး။ အခုတော့တော်လှန်ရေးအဖွဲ့တွေက မြို့ကိုအကွာအဝေးတစ်ခုကနေ ကောင်းကောင်းခြိမ်းခြောက်နိုင်နေတာကြောင့် စစ်တပ်ရဲ့ အင်အားလျော့နည်းလာမှုနဲ့ လုံခြုံရေးစည်းကျိုးပေါက်မှုကို အထင်းသားမြင်သာစေတယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။