မြို့တော်စစ်တွေမှာလဲ ပုဏ္ဏာကျွန်းမြို့ကို ရက္ခိုင့်တပ်တော် (AA) က တိုက်ခိုက်သိမ်းပိုက်လိုက်ပြီးနောက် တိုက်ပွဲတွေ တဖြည်းဖြည်းနီးကပ်လာလို့ ဒေသခံတွေမြို့ကို စွန့်ခွာထွက်ပြေးနေကြတယ်။ AAက ပုဏ္ဏားကျွန်းမြို့ကို မတ်လ ၄ ရက်နေ့မှာ သိမ်းပိုက်လိုက်ပြီးနောက် အခုရက်ပိုင်းတွေမှာ မြို့ကိုစွန့်ခွာသူတွေများလာတာပါ။ ဒေသခံအများစုဟာ ရက္ခိုင့်တပ်တော် (AA) ထိန်းချုပ်ထားတဲ့ ပေါက်တော၊ ကျောက်တော်၊ မင်းပြားနဲ့ မြောက်ဦး စတဲ့ မြို့နယ်တွေဘက်ကို ထွက်ပြေးတာတွေရှိသလို ရန်ကုန်ဘက်ကိုလည်း လေကြောင်းကနေတစ်ဆင့် ထွက်ပြေးတာရှိပြီး တစ်နေ့ကို လူသုံးရာခန့်အထိ နေ့စဉ်ထွက်ပြေးနေကြတယ်။ စစ်တွေမြိုမှာ လူပေါင်းတစ်သိန်းခွဲနီးပါးနေထိုင်ပြီးအခုဆိုရင် မြို့နေလူဦးရေတစ်ဝက်လောက်က မြို့ကိုစွန့်ခွာသွားပါပြီ။ မြို့ထဲမှာလဲ ညမထွက်ရအမိန့် ထုတ်ပြန်ထားပြီး စစ်ကောင်စီတပ်ကလည်း မြို့ပေါ်တွေမှာပါ စစ်ရေးအခိုင်အမာပြင်ဆင်မှုတွေ ရှိနေလို့ တိုက်ပွဲဖြစ်လာရင် ပိတ်မိနေမှာကို စိုးရိမ်တာကြောင့် အခုလို ထွက်ပြေးနေကြတာပါ။ဒါပေမယ့် ငွေကြေးတတ်နိုင်တဲ့သူတွေဟာထွက်ပြေးနိုင်ကြပြီး ငွေကြေးမတတ်နိုင်တဲ့သူတွေကတော့ မြို့ထဲမှာပဲအဆင်ပြေသလို ဆက်လက်နေထိုင်နေရတယ်။ စစ်တွေမြို့ကထွက်ပြေးနိုင်ဖို့ဆိုရင် လူတစ်ဦးကိုအနည်းဆုံး၁၀သိန်းခန့် ကုန်ကျစာရိတ်ရှိတယ်လို့လဲသိရတယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။