အောက်တိုဘာ ၈၊ တနင်္ဂနွေ

အခုရက်ပိုင်း ရန်ကုန်မှာ မိုးအရမ်းကောင်းနေတယ်။ မိုးကောင်းခြင်းရဲ့နောက်ဆက်တွဲက ရေကြီးရေလျှံ ဖြစ်နေတာပဲ။ ပဲခူးမှာရေကြီးတဲ့သတင်းတွေ၊ ပုံတွေကို ဆိုရှယ်မီဒီယာပေါ်မှာတွေ့ရပြန်တယ်။ မြန်မာလူ ထုတွေဟာ ဒုက္ခတစ်ခုထပ်တိုးလာပြန်ပါပြီ။ လူမှုကွန်ရက်ပေါ်မှာ စစ်အာဏာသိမ်းဆန့်ကျင်တာ နဲ့ တော်လှန်ရေးအင်အားစုတွေကို အားပေးထောက်ခံတဲ့ ရေးသားပြောဆိုမှုတွေကို လုပ်လို့ဆိုတဲ့ စွပ်စွဲချက် နဲ့ ၂၀၂၂ ဖေဖော်ဝါရီ ကနေ ၂၀၂၃ စက်တင်ဘာလ အထိ ပြည်တွင်းနေ ဖမ်းဆီးခံရသူ အရေအတွက်ဟာ ၁၃၁၆ ဦးရှိတယ်လို့ နိုင်ငံတဝန်းနိုင်ငံရေး နဲ့ စစ်ရေးဖြစ်ရပ်တွေရဲ့ သက်ရောက်မှုကိုလေ့လာတဲ့ Data for Myanmar က ထုတ်ပြန်ခဲ့တယ်။ အဲဒီထဲက ထက်ဝက်နီးပါးဟာ ရန်ကုန်တိုင်း နဲ့ မန္တလေးတိုင်းတွေက  ဖြစ်တယ်တဲ့လေ။