ကြီးမြင့်လာတဲ့အထွေထွေကုန်ဈေးနှုန်းတွေကိုထိန်းချုပ်ဖို့ဆိုပြီးစစ်ကောင်စီကကုန်ဈေးနှုန်းရေးကော်မတီဖွဲ့တယ်။ထိန်းချုပ်ပုံထိန်းချုပ်နည်းကတော့စီးပွားရေးလုပ်ငန်းရှင်ကြီးတွေကိုလိုက်ဖမ်းတော့တာပါပဲ။ပထမဒေါ်လာအရောင်းအဝယ်လုပ်တဲ့သူတွေကိုဖမ်းတယ်။ရွှေဈေးတက်လို့ဆိုပြီးရွှေဆိုင်ပိုင်ရှင်တွေကိုဖမ်းတယ်။အခုလတ်တလောမှာတော့စားသုံးဆီလုပ်ငန်းရှင်တွေကိုဖမ်းတယ်။နောက်ပိုင်းမှာတော့ပြောင်းနှင့်ဆန်တင်ပို့သူများ၊ စက်သုံးဆီတင်သွင်းသူများ၊ဘဏ်လုပ်ငန်းရှင်များပါတွေ့သမျှအကုန်ဖမ်းဆီးတော့တာပါပဲ။အခုလောလောဆယ်အထိလုပ်ငန်းရှင်၁၀၀ကျော်ကိုဖမ်းဆီးထားတယ်လို့သိရတယ်။စစ်ကောင်စီဟာပြီးခဲ့တဲ့အစည်းအဝေးတွေတုန်းကတော့လုပ်ငန်းရှင်တွေကိုကုန်ဈေးနှုန်းတွေကစားရင်နိုင်ငံတော်အကြည်ညိုပျက်စေမှု၊ငွေကြေးလိမ်လည်မှု၊နိုင်ငံခြားသုံးငွေကြေးကစားမှုတို့ဖြင့်တရားစွဲပြီးထောင်ဒဏ်၃၅နှစ်ချမည်ဟုခြိမ်းခြောက်ထားသေးတယ်။တချို့လုပ်ငန်းရှင်တွေလဲရှောင်နေရပြီ။စစ်ကောင်စီဟာတဖြည်းဖြည်းနဲ့ထွက်ပေါက်ပိတ်လာချိန်မှာလူတန်းစားမရွှေးဒုက္ခပေးနေတာအခုလုပ်ငန်းရှင်ကြီးတွေအလှည့်ရောက်လာပြီပေါ့။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...