စစ်ကိုင်းတိုင်း၊အိန္ဒိယနယ်စပ်၊တမူးခရိုင်းခမ်းပတ်မြို့မှာ လေးရက်ဆက်တိုက်ပွဲများဖြစ်ပွားပြီးနောက် စစ်ကောင်စီတပ်က ခမ်းပက်မြို့နှင့်အနီးဝန်းကျင်ကျေးရွာများကို လေကြောင်းပစ်ခတ်တိုက်ခိုက်၊ဗုံးကြဲခဲ့တယ်။ ခမ်းပါတ်မြို့ရှိရဲစခန်းနှင့်စစ်ကောင်စီတပ်ကိုတော်လှန်ရေးအင်အားစုများကဇူလိုင်၂၂ရက်ညတွင်စတင်တိုက်ခိုက်ခဲ့ပြီး စစ်တပ်ကကလေးမြို့မှစစ်သားများကိုဇူလိုင် ၂၃ ရက်တွင်လေကြောင်းမှခမ်းပါတ်မြို့ နှင့်အနည်းငယ်သာဝေးသောနေရာသို့ချ၍ ပို့ပေးခဲ့တယ်။ထိုစစ်ကူတွေကိုတော်လှန်ရေးအဖွဲ့များက ဇူလိုင် ၂၃ ရက်တွင် ကြားဖြတ်တိုက်ခိုက်လို့စစ်ကောင်စီတပ်အထိနာခဲ့တယ်။ဒါကြောင့်တိုက်ပွဲ ၄ ရက်မြောက်နေ့မှာ စစ်တပ်ကလေကြောင်းမှတိုက်ခိုက်တော့တာပဲ။ ခမ်းပါတ်မြို့ပေါ်မှာရပ်ကွက် ၅ ခုရှိရာ ရပ်ကွက်တိုင်းကိုစစ်ကောင်စီက ဗုံးကျဲတိုက်ခိုက်သွားတယ်။လေကြောင်းတိုက်ခိုက်မှုအကြိမ်ရေ၅၀ခန့်အထိရှိတယ်လို့သိရတယ်။ဒေသခံအများစုမှာထွက်ပြေးတိမ်းရှောင်ကြသော်လည်း မြို့တွင် ငွေကြေးမတက်နိုင်သောဆင်းရဲသူ ၊သက်ကြီးရွယ်အို နှင့် ကျန်းမာရေးမကောင်းသူအချို့ မရွေ့ပြောင်းနိုင်ဘဲ ကျန်ရှိနေသေးတယ်။ နယ်စပ်မှတစ်ဆင့် အိန္ဒိယနိုင်ငံနယ်စပ်သို့ထွက်ပြေးသောစစ်ဘေးရှောင်များကို အိန္ဒိယနိုင်ငံဘက်မှလက်မခံဘဲ ပြန်ခိုင်းနေတာကြောင့်စစ်ဘေးရှောင်တွေအခက်တွေ့နေတယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။