ရန်ကုန်မြို့လှိုင်သာယာနဲ့ရွှေပြည်သာကအထည်ချုပ်စက်ရုံ၂ရုံမှာလုပ်ခတိုးတောင်းဖို့ဦးဆောင်သူတွေကိုဆူပူအောင်လှုံ့ဆော်မှုနဲ့စစ်ကောင်စီကဖမ်းဆီးလိုက်တယ်။အလုပ်သမားခေါင်းဆောင်၇ဦးနဲ့အလုပ်သမားအရေးကူညီသူ၃ဦးစုစုပေါင်း၁၀ဦးပါ။ဖမ်းဆီးထားသူတွေဟာစက်ရုံအလုပ်ရုံတွေမှာဆန္ဒပြကြဖို့လှုံ့ဆော်တယ်လို့စစ်ကောင်စီကစွပ်စွဲထားတယ်။
စစ်အာဏာသိမ်းပြီးနောက်မြန်မာပြည်မှာအလုပ်သမားအခွင့်အရေးတွေပျောက်ဆုံးသွားတာပါ။အထူးသဖြင့်စက်မှုဇုန်ထဲကအလုပ်သမားတွေပေါ့။အလုပ်သမားအခွင့်အရေးတောင်းဆိုလို့မရတာကိုအခွင့်ကောင်းယူပြီးအလုပ်ရှင်တွေကလုပ်ခလစာနှိမ်ပေးကြတယ်။မခံနိုင်လို့လစာတိုးတောင်းရင်လဲစစ်ကောင်စီကအလုပ်သမားတွေဘက်မရပ်တည်ပဲအခုလိုဖမ်းဆီးတယ်။ရန်ကုန်စက်မှုဇုန်တွေထဲကအလုပ်သမားတွေဟာတကယ့်ကိုနင်းပြားဖြစ်နေပါပြီ။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...