ဇွန် ၃၀၊ ၂၀၂၃။ (သောကြာ)

တိုက်ပွဲတွေဆက်လက်ပြင်းထန်နေတဲ့ကရင်နီပြည်နယ်၊မယ်စဲဒေသမှာစစ်တပ်ကလေယာဉ်တစီးကိုတော်လှန်ရေးအဖွဲ့တွေကပစ်ချနိုင်ခဲ့ပါတယ်။စစ်ကောင်စီဟာမယ်စဲမြို့ကိုပြန်လည်ရရှိရေးအတွက်လက်နက်ကြီးနဲ့လေကြောင်းပစ်ကူအလုံးအရင်းသုံးကာတိုက်ခိုက်လျက်ရှိတယ်။ထိုတိုက်ပွဲတွေအတွင်းမှာစစ်တပ်ဖက်ဗုံးကြဲဖို့အနိမ့်ပျံသန်းလာတဲ့တိုက်ခိုက်ရေးလေယာဉ်တစ်စီးကိုတော်လှန်ရေးအဖွဲ့တွေကလက်နက်ငယ်တွေနဲ့ပဲပစ်ချနိုင်ခဲ့တယ်လို့သိရတယ်။ပျက်ကျသွားတဲ့လေယာဉ်ဟာအပေါ့စားအမောင်းသင်တိုက်ခိုက်ရေးလေယာဉ်တစ်စီးဖြစ်ပြီးသံလွင်မြစ်ကမ်းဘေးမှာပျက်ကျသွားတယ်။ထိုနေရာကိုစစ်တပ်ကရဟတ်ယာဉ်၃စီးလောက်နဲ့ဝိုင်းရံထားလို့အထောက်အထားတွေတော့မရနိုင်သေးဘူး။ဘာပဲပြောဒါဟာလဲတော်လှန်ရေးကာလမှာစစ်တပ်ဖက်ကလေယာဉ်တစ်စီးကိုပထမဆုံးပစ်ချနိုင်ခြင်းလို့ပြောလို့ရတယ်။