ဘင်္ဂလားပင်လယ်အော်မှာဖြစ်ပေါ်နေတဲ့မုန်တိုင်းဟာအားအလွန်ကောင်းသောဆိုင်ကလုံးမုန်တိုင်းအဖြစ်ရောက်ရှိလာခဲ့ပြီ။ပထမခန်းမှန်းထားသလိုဧရာဝတီမြစ်ဝကျွန်းပေါ်ဒေသကိုမဝင်ပေမယ့်ရခိုင်ပြည်နယ်စစ်တွေမြို့အနီးကဖြတ်ကျော်ဖို့သေချာသွားခဲ့ပြီ။စစ်တွေအနီးအနားမြို့တွေကဒေသခံတချို့ကတော့ဘေးလွတ်ရာကိုရွှေ့ပြောင်းနေကြပေမယ့်တချို့တွေကတော့မရွှေ့ပြောင်းပဲကျန်နေကြဆဲပဲ။ရခိုင်ကမ်းရိုးတန်းဒေသဟာမုန်တိုင်းနဲ့ရင်းနှီးနေတော့တချို့တွေကမကြောက်ကြဘူးပေါ့။စစ်ကောင်စီကတော့မုန်တိုင်းအတွက်ကြိုတင်ပြင်ဆင်မှုတွေဘာမှလုပ်ပေးတာမတွေ့ရပဲမုန်တိုင်းကိုရှောင်ဖို့ဂါထာရွတ်ပြီးဖောင်မျှောနေလေရဲ့။မုန်တိုင်းကဒီနေ့ညသို့မဟုတ်မနက်ဖြန်မနက်စစ်တွေကိုဝင်မှာပါ။ဘာတွေဘယ်လိုဖြစ်လာမလဲဆိုတာတော့မပြောတတ်သေးဘူး။
ဒီဇင်ဘာ ၁၃၊ ၂၀၂၄။ (သောကြာ)
ရှမ်းမြောက်ကတော်လှန်ရေးအင်အားစုတွေရဲ့ ထိုးစစ်တွေတရုတ်ဖိအားကြောင့်ငြိမ်နေရချိန်မှာ မြန်မာနိုင်ငံတဝှမ်းစစ်ကောင်စီကိုဒေသအလိုက်တိုက်ပွဲတွေဆက်လက် ဖော်ဆောင်နေတာအားရဖို့တော့ကောင်းပါတယ်။ရှမ်းမြောက်က၁၀၂၇စစ်ဆင်ရေး ဒုတိယပိုင်းဟာစက်တင်ဘာလလောက်ကတည်းက...
