မနေ့ညကစစ်ကောင်စီရုံးစိုက်ရာနေပြည်တော်ကဧလာလေယာဥ်ကွင်းကိုတော်လှန်ရေးအဖွဲ့တွေရှော့တိုက်ဒုံးနဲ့ပစ်ခတ်တိုက်ခိုက်ခဲ့လို့မီးအကြီးအကျယ်လောင်ခဲ့တယ်။မီးလောင်မှုဟာကြီးမားတာကြောင့်လေယာဥ်ဆီသိုလှောင်တဲ့နေရာတွေထိခိုက်သွားတယ်လို့ပြောကြသလိုလက်နက်ခဲယမ်းသိုလှောင်ရုံကိုကျရောက်ပေါက်ကွဲတယ်ဆိုကြတယ်။စစ်တပ်က လုံခြုံရေးအပြည့်အဝယူထားတဲ့နေရာဖြစ်တာကြောင့် ဘယ်လောက်ထိခိုက်သွားတယ်ဆိုတာတော့အတည်မပြုနိုင်သေးဘူး။စစ်ကောင်စီကတော့လေယာဥ်ကွင်းနားကတောမီးလောင်တာပါလို့သတင်းလွှင့်တယ်။
မရှေးမနှောင်းမှာပဲမကွေးတိုင်းဆိပ်ဖြူမြို့နယ်ကစစ်တပ်ရဲ့လေယာဥ်ဗုံးတွေထုတ်လုပ်တဲ့စက်ရုံတစ်ခုလဲရှော့တိုက်ဒုံးနဲ့အတိုက်ခံရတယ်။တော်လှန်ရေးအဖွဲ့တွေကအနီးဆုံးနေရာကနေသေချာချိန်ရွယ်ပစ်ခတ်ခဲ့တာကြောင့်လက်နက်သိုလှောင်ရုံထိမှန်ပေါက်ကွဲသွားတယ်လို့အတည်ပြုတယ်။စစ်သားတချို့လဲထိခိုက်သေဆုံးနိုင်တယ်။ပစ်ခတ်ခံရချိန်ထိုစက်ရုံမှာရုရှားကလက်နက်ပညာရှင်တွေလဲရောက်ရှိနေတယ်။သူတို့ထိခိုက်မှုရှိမရှိတော့သေချာမသိရဘူး။
အခုနောက်ပိုင်းမှာတော်လှန်ရေးအဖွဲ့တွေဟာစစ်တပ်ရဲ့အတွင်းစည်းကမဟာဗျူဟာမြောက်ပစ်မှတ်တွေကိုတိုက်ခိုက်လာနိုင်တာကိုသတိထားမိတယ်။ထိုကဲ့သို့ပစ်မှတ်တွေခပ်စိတ်စိတ်တိုက်ခိုက်လာနိုင်ရင်စစ်ကောင်စီအတွက်များစွာအခက်တွေ့စေနိုင်တယ်။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...