မန္တလေးမြို့ပေါ်မှာရှိတဲ့ ပို့ဆောင်ရေးစီမံကိန်းဦးစီးဌာနရုံးကို လူတစ်ယောက်က ဗုံးပစ်တိုက်ခိုက် ခဲ့တဲ့သတင်းကိုဖတ်လိုက်ရတယ်။ ဒီကာလမှာ အစိုးရရုံးတွေဟာလည်း ဇောင်းထလွန်းအားကြီးနေတယ်။ အစိုးရဝန်ထမ်းလို့သူတို့ကိုယ်သူတို့သတ်မှတ်ထားတဲ့ စစ်ကောင်စီဝန်ထမ်းတွေဟာ ဘယ်နေရာကနေ လာဘ်စားရင်ကောင်းမလဲဆိုတာကိုပဲ အမြဲတွေးနေတယ်။ ပိုက်ဆံရမယ့်ကိစ္စကိုပဲလိုက်ရှာနေတယ်။ ဒီလို ဗုံးခွဲတိုက်ခိုက်မှုတွေ များများလုပ်ပေးရမှာလို့မြင်မိတယ်။ ရန်ကုန်မှာဆိုရင်လည်းပိုဆိုးတယ်။ ရန်ကုန်မှာ ရှိတဲ့ အစိုးရရုံးတွေကိုသွားကြည့်လိုက်ရင် လာဘ်စားဖို့ကြံနေတဲ့ဝန်ထမ်းတွေကို အစုလိုက်အပြုံလိုက် တွေ့ရပါလိမ့်မယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။