မတ် ၂၅၊ စနေ

မြန်မာနိုင်ငံအထက်ပိုင်း စစ်ကိုင်းနဲ့ ချင်းပြည်နယ်တွေမှာဒေသခံကာကွယ်ရေးတပ်တွေနဲ့စစ်ကောင်စီတပ် တွေ တိုက်ပွဲဆက်တိုက်ဖြစ်ပွားနေသလို မြဝတီမှာလည်း တိုက်ပွဲတွေကအေးခဲမသွားဘူး။ အခုရက်ပိုင်းမှာ မြဝတီဒေသမှာရှိတဲ့ စစ်ကောင်စီစခန်းတွေအတိုက်ခိုက်ခံရပြီး အရပ်သားတွေအများအပြားတိမ်းရှောင် နေရပြန်တယ်။ မြန်မာနိုင်ငံမှာ မြို့ကြီးတစ်ချို့ကလွဲရင်ကျန်တဲ့နေရာတွေက စစ်ရှောင်စခန်းတွေချည်းပဲ လားမသိတော့ပါဘူး။ နေ့စဉ်ရှင်သန်နေရတာ ခက်ခဲလိုက်ရတဲ့ဘဝတွေပါပဲ။ ဒီနေ့မှာတော့ မြဝတီနဲ့ ကော့ ကရိတ်မြို့နယ်အတွင်းမှာရှိတဲ့ စစ်ကောင်စီတပ်စခန်းတွေ တိုက်ခိုက်ခံရတယ်။ ထုံးစံအတိုင်းပါပဲ။ စစ်ကောင်စီဖက်ကတော့ လေကြောင်းတပ်ကူတွေနဲ့လာပစ်တယ်။ ဒေသခံတွေထိခိုက်သွားတာမျိုးလည်း ရှိတယ်။