နိုင်ငံခြားငွေဝယ်ယူရောင်းချလဲလှယ်ပေးတဲ့လိုင်စင်ရ ကုမ္ပဏီ (၂၀) ကို ရုတ်သိမ်းလိုက်တယ်လို့ စစ်တပ်ပိုင် (နိုင်ငံပိုင်) သတင်းစာတွေကနေတစ်ဆင့် မနေ့က ကြေညာခဲ့တယ်။ စီးပွားရေးတွေက မောက်ကမဖြစ်၊ နိုင်ငံကြီးလည်းဇောက်ထိုးဖြစ်၊ အကုန်လုံးစုတ်ပြတ်သတ်ကုန်တော့တာပါပဲ။ နိုင်ငံရဲ့ စီးပွားရေးကိုလည်း မထိန်းချုပ်နိုင်သလို ဘယ်အရာကိုမှလည်းသေသေချာချာမထိန်းချုပ်နိုင်ခဲ့ဘူး။ သူတို့ တွေးနေတာက ဘယ်နေရာကနေလာဘ်စားရင်ကောင်းမလဲ၊ ဘယ်လိုခိုးရရင်ကောင်းမလဲဆိုတာပဲ။ စစ် အုပ်ချုပ်ရေးလို့ဆိုလိုက်တာနဲ့ ခိုးမယ်၊ မတရားယူမယ်၊ အာဏာရူးမယ် ဆိုတဲ့အက်ကြောင်းတွေချည်းပဲ ထပ်လာတော့တယ်။
ဇန်နဝါရီ ၂၉၊ ၂၀၂၅။ (ဗုဒ္ဓဟူး)
ဒီနေ့ဟာတရုတ်နှစ်ကူးနေ့ပါ။အရင်ကမြန်မာနိုင်ငံမှာ အစိုးရအဆက်ဆက်တရုတ်နှစ်ကူးကို ရုံးပိတ်ရက်သတ်မှတ်မပေးဘူး။အခုမင်းအောင်လှိုင်လက်ထက်ကျမှ တရုတ်ကိုအဖေခေါ်ပြီးရုံးပိတ်ရက်သတ်မှတ်လိုက်တယ်။တရုတ်နှစ်ကူးပွဲကိုတော့ ဒီနိုင်ငံမှာထူးထူးခြားခြားဘာမှမပြုလုပ်ကြပါဘူး။ရန်ကုန်ကတရုတ်တန်းတဝိုက်...