ဒီဇင်ဘာ ၁၀၊ ၂၀၂၂။ (စနေ)

ပြီးခဲ့တဲ့လထဲမှာEAOတွေငြိမ်ချက်သားကောင်းနေတယ်လို့ပြောမိလို့လားမသိဘူးဒီလမှာတော့လဆန်းပိုင်းကတည်းကတိုင်းရင်းသားနယ်မြေတွေမှာခုခံစစ်ရောနယ်မြေသိမ်းစစ်ရောတိုက်ပွဲတွေအပြင်းအထန်ကိုဖြစ်ပွားနေတယ်။ပထမကယား(KNDF)နဲ့ကရင်(KNU)မှာ၊ပြီးတော့ကချင်(KIA)၊တဆက်ထဲမှာပဲရှမ်းမြောက်မှာMNDAA နဲ့TLNAစတဲ့EAOတွေနဲ့စစ်ကောင်စီတပ်တို့အပြင်းအထန်ကိုတိုက်ခိုက်နေကြတယ်။ကယားနဲ့ကရင်မှာတော့နယ်မြေသိမ်းပွဲတွေပေါ့။ကျန်တဲ့ဒေသတွေမှာတော့စစ်တပ်ကစစ်ကြောင်းထိုးလာလို့ခုခံစစ်ဆင်နွဲနေကြတာပါ။TLNAနဲ့နမ့်ဆန့်မြို့နားကတိုက်ပွဲဆိုဒီနေ့အပါအဝင်သုံးရက်ဆက်တိုက်ဖြစ်နေပြီ။TLNAတပ်ဖွဲ့တွေရှိနေတဲ့ရွာကိုလေကြောင်းကရဟတ်ယာဉ်နဲ့ဝင်စီးတဲ့စစ်ကောင်စီတပ်တွေဟာဝိုင်းဝန်းပိတ်ဆို့ခံနေရလို့တိုက်စစ်ကနေခံစစ်ဖြစ်သွားပြီးဖောက်ထွက်ဖို့ကြိုးစားနေရတယ်။စစ်ကောင်စီဘက်ကလက်နက်ကြီးနဲ့လေကြောင်းပစ်ကူအမြောက်အများသုံးနေပေမယ့်အခြေအနေကတော့သိပ်မဟန်လှဘူး။စစ်တပ်ရဲ့ရဟတ်ယာဉ်တစ်စီးတောင်အပစ်ခံပြီးပျက်မကျပေမယ့်သုံးမရအောင်ပျက်စီးသွားတယ်။ကျန်တဲ့ဒေသတွေမှာလဲစစ်ကောင်စီတပ်တွေအရေးမသာပဲအကျအဆုံးများစွာရှိနေတယ်။