ဒီနွေဦးတော်လှန်ရေးကာလမှာအဆိုးရွားဆုံး၊ယုတ်မာအရိုင်းစိုင်းဆုံးလုပ်ရပ်တစ်ခုကိုစစ်ကောင်စီကကချင်ပြည်နယ်မှာကျူးလွန်ခဲ့တယ်။ကချင်ပြည်နယ်၊ဖားကန့်မြို့နားကအနန့်ပါကျေးရွာလေးမှာKIA/KIOနှစ်ပတ်လည်နေ့အကြိုအခမ်းအနားဖျော်ဖြေပွဲတစ်ခုမနေ့ညကပြုလုပ်ခဲ့တယ်။KIOကအရာရှိတွေ၊ကချင်အနုပညာရှင်တွေ၊ပြည်သူတွေအမြောက်အမြားရှိနေတဲ့ပွဲတစ်ခုကိုညကိုးနာရီလောက်မှာစစ်တပ်ကလေယာဥ်နဲ့ဗုံးကြဲသွားတယ်။ပွဲခင်းထဲမှာရှိနေတဲ့ပြည်သူ၅၀ခန့်ပွဲချင်းပြီးသေဆုံးပြီး၁၀၀ခန့်ဒဏ်ရာအပြင်းအထန်ရကုန်တယ်။သေဆုံးသူတွေထဲမှာKIO/KIAအရာရှိတွေနဲ့ကချင်နာမည်ကြီးအနုပညာရှင်တွေပါသွားတယ်လို့ကနဦးသိရတယ်။တိုက်ပွဲမဖြစ်ပဲ၊စစ်ပွဲဧရိယာတစ်ခုမဟုတ်ပဲအရပ်သားတွေအပေါ်ရည်ရွယ်ချက်ရှိရှိတိုက်ခိုက်တာပါ။ ဒါဟာစစ်ကောင်စီကအစုလိုက်အပြုံလိုက်လူသတ်မှု၊စစ်ရာဇဝတ်မှုကြီးကိုကျူးလွန်လိုက်တာပဲ။ပြီးတော့ကချင်တိုင်းရင်းသားတစ်ရပ်လုံးနဲ့KIOကိုပြောင်ပြောင်တင်းတင်းစိန်ခေါ်လိုက်တာပဲ။ဒီကိစ္စဟာလွယ်လွယ်နဲ့ပြီးသွားမှာမဟုတ်ဘူး။နှစ်ဖက်လုံးမှာအကျိုးသက်ရောက်မှုတွေပြင်းထန်လာလိမ့်မယ်။
ဇန်နဝါရီ ၂၉၊ ၂၀၂၅။ (ဗုဒ္ဓဟူး)
ဒီနေ့ဟာတရုတ်နှစ်ကူးနေ့ပါ။အရင်ကမြန်မာနိုင်ငံမှာ အစိုးရအဆက်ဆက်တရုတ်နှစ်ကူးကို ရုံးပိတ်ရက်သတ်မှတ်မပေးဘူး။အခုမင်းအောင်လှိုင်လက်ထက်ကျမှ တရုတ်ကိုအဖေခေါ်ပြီးရုံးပိတ်ရက်သတ်မှတ်လိုက်တယ်။တရုတ်နှစ်ကူးပွဲကိုတော့ ဒီနိုင်ငံမှာထူးထူးခြားခြားဘာမှမပြုလုပ်ကြပါဘူး။ရန်ကုန်ကတရုတ်တန်းတဝိုက်...