ဩဂုတ် ၁၄၊ ၂၀၂၂။ (တနင်္ဂနွေ)

စစ်ကောင်စီကမြန်မာကျပ်ငွေတွေကိုအတိုင်းအဆမရှိရိုက်ထုတ်နေတယ်။ပိုက်ဆံရိုက်ထုတ်တဲ့အဆင့်မှီငွေစက္ကူတွေကအာဏာသိမ်းပြီးစမှာပဲဂျာမဏီကဝယ်ယူခွင့်ပိတ်လိုက်တော့ဗဟိုအာရှနိုင်ငံတွေကနေအဆင့်မမှီတဲ့ငွေစက္ကူတွေလေကြောင်းကနေတန်နဲ့ချီပြီးတင်သွင်းတယ်။ပြီးတော့ပြည်တွင်းငွေစက္ကူရိုက်စက်ရုံကနေအထိန်းအကွပ်မရှိရိုက်ထုတ်နေတယ်။အခုဆိုစစ်ခေါင်းဆောင်မင်းအောင်လှိုင်ကရိုက်ထုတ်ထားတဲ့မြန်မာကျပ်လေးဘီလီယံခန့်ကိုအခမ်းအနားနဲ့ဖွံဖြိုးရေးရံပုံငွေဆိုပြီးဈေးကွက်ထဲလွှဲပြောင်းလိုက်တယ်။မြန်မာငွေဈေးထိုးကျပြီးအစောကတည်းကတက်ဖို့ပြင်နေတဲ့ရွှေနဲ့ဒေါ်လာဈေးတွေမိုးထိုးကုန်တယ်။နောက်ဆုံးဈေးအရရွှေတစ်ကျပ်သား၂၈သိန်းကျော်သွားပြီးတစ်ဒေါ်လာကိုကျပ်သုံးထောင်ဖြစ်သွားပြီ။ဈေးတွေကဒီတပတ်လုံးစနေနေ့တောင်မနားပဲထိုးတက်နေတာပါ။ငွေဈေးမငြိမ်တာကြောင့်နယ်စပ်ကုန်သွယ်ရေးတွေမှာလဲကုန်သည်တွေနေ့ချင်းညချင်းကျပ်ငွေသိန်းရာချီဆုံးရှုံးကုန်ပြီးမြန်မာကျပ်ငွေကိုဘယ်သူမှလက်မခံချင်ကြတော့ဘူး။ကြာရင်မြန်မာကျပ်ငွေဟာဂျပန်ခေတ်ကငွေတွေလိုစက္ကူစုတ်သာသာပဲရှိတော့မယ်။