မနေ့ကသေဒဏ်စီရင်မှုအတွက်ဒီနေ့ဘန်ကောက်၊ဂျပန်၊လန်ဒန်ကမြန်မာတွေစုရုံးဆန္ဒပြကြတယ်။ပြည်တွင်းမှာတော့လက်ရှိအခြေအနေအရဆန္ဒပြလို့မရဘူး။လမ်းပေါ်ထွက်တာနဲ့စစ်တပ်ကအကုန်ပစ်သတ်မှာလေ။တော်လှန်ရေးအဖွဲ့တွေရဲ့တုန့်ပြန်မှုတွေကတော့ချက်ချင်းလက်ငင်းမတွေ့ရသေးဘူး။ဒါပေမယ့်အားလုံးဟာဖက်ဆစ်စစ်တပ်ကိုအမြစ်ဖြတ်ဖို့အသီးသီးပြင်ဆင်နေကြတယ်။ ယူအန်၊အာဆီယံအပါအဝင်ပြည်တွင်းပြည်ပအဖွဲ့အစည်းတွေနဲ့ကန့်ကွက်ရှုတ်ချစာတွေကတော့ထုံးစံအတိုင်းပလူပျံနေတာပါပဲ။လေပဲလာပြီးလက်မပါလို့ကတော့စစ်တပ်ကဒီထက်ပိုပြီးဆိုးသွမ်းနေဦးမှာပဲ။နောက်တဆင့်တက်ပြီးလောလောဆယ်အမှုတွေရင်ဆိုင်နေရတဲ့ဒေါ်အောင်ဆန်းစုကြည်ကိုတောင်သေဒဏ်မချမှတ်ဘူးလို့မပြောနိုင်ဘူး။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...