ဥကရစ်ထစခန်းကိုတိုက်ခိုက်နေတဲ့ပူးပေါင်းအဖွဲ့တွေကိုလာရောက်ဗုံးကြဲတဲ့စစ်ကောင်စီတိုက်လေယာဉ်ဟာနယ်မြေကျော်ပြန်သန်းမိပြီးထိုင်းနိုင်ငံထဲရောက်သွားလို့ထိုင်းဘက်အခြမ်းမှာရုတ်ရုတ်သဲသဲတွေဖြစ်ကုန်တယ်။နယ်စပ်မျဉ်းနားကထိုင်းပြည်သူတွေအလန့်တကြားဖြစ်ကုန်ပြီးမူလတန်းကျောင်းနှစ်ခုအရေးပေါ်ပိတ်လိုက်ရတယ်။ကားတစ်စီးနဲ့လူတချို့လဲထိမှန်သွားတယ်လို့သိရတယ်။ထိုင်းစစ်တပ်ကတိုက်လေယာဉ်နှစ်စင်းလဲအရေးပေါ်ပျံတက်ခဲ့ရတယ်။ အဲ့ဒီအတွက်စစ်ကောင်စီကထိုင်းအစိုးရကိုချက်ချင်းတောင်းပန်လိုက်ရတယ်။ ထိုင်းစစ်တပ်ကလဲသိပ်ကောင်းလှတာမဟုတ်ဘူး။စစ်သူပုန်စခန်းအတွက်စစ်ကူတွေကိုနယ်စပ်မျဉ်းကိုကျော်ပြီးပေးပို့နေတာကိုထိုင်းစစ်တပ်ကခွင့်ပြုပေးထားတယ်လို့လဲသတင်းတွေထွက်နေတယ်။တိုက်ပွဲကကြာနေလို့C2Dအဖွဲ့သုံးဖွဲ့ပေါင်းပြီးရှေ့တန်းကပူးပေါင်းအဖွဲ့တွေကိုဘတ်ငွေတစ်သန်းဒီနေ့ထပ်လှူတယ်။ပြည်ပကဆိုကိုရီးယားကအဖွဲ့တွေနဲ့USကအဖွဲ့တွေလဲလှူဖို့ပြင်ဆင်နေကြတယ်။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...