မကွေးတိုင်း၊ပွင့်ဖြူမြို့နယ်မှာPDFတွေပါလာတဲ့ကားတစ်စီးကိုစစ်သူပုန်တွေခြုံခိုတိုက်ခိုက်လို့ကားပေါ်ပါသူ၁၂ယောက်ခန့်ကျဆုံးသွားပြီးလက်နက်တွေပါဆုံးရှုံးသွားတယ်။စစ်သူပုန်တွေကကားရှေ့တည့်တည့်ကလက်နက်ကြီးနဲ့ပစ်လို့ထိုမျှအကျအဆုံးများကုန်တာပဲ။ဒီကာလမှာPDFတွေဘက်ကတကြိမ်ထဲအကျအဆုံးအများဆုံးကဒီတခေါက်ဖြစ်မယ်ထင်တယ်။ထိုနယ်မြေဟာPDFစိုးမိုးနယ်မြေဖြစ်ပြီးစစ်သူပုန်တွေကအလစ်အငိုက်ချောင်းတိုက်တာဆိုတော့သတင်းပေါက်ကြားသွားတာလို့ယူဆရတယ်။ကိုယ့်လူတွေဖက်ကပေါ့ဆတာလဲပါတာပေါ့လေ။ တစ်ခုဖြေသာသွားတာကနေ့မကူးပဲစစ်ကိုင်းတိုင်း၊ခင်ဦးမြို့နယ်မှာစစ်သူပုန်အုပ်စုကိုPDFကအလစ်ချောင်းတိုက်လို့ရဲမှုးအပါအဝင်စစ်အုပ်စုဖက်က၁၃ယောက်ခန့်သေဆုံးသွားတယ်။လက်နက်တွေလဲရလိုက်တယ်။တိုက်ဆိုင်မှုလို့ဆိုပေမယ့်ကိုယ်တွေဘက်နစ်နာမှုပိုများတယ်။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...