ပြည်သူ့ရဲတပ်ဖွဲ့ကိုဖွဲ့စည်းလိုက်တယ်လို့ အမျိုးသားညီညွတ်ရေးအစိုးရ (NUG) ရဲ့ ယာယီသမ္မတ ဒူဝါလရှီးက ထုတ်ပြန်လိုက်တယ်။ NUG အနေနဲ့ကတော့ အခုလိုထုတ်ပြန်ချက်တွေ ထုတ်လိုက်၊ စစ် ကောင်စီဖက်ကို စိတ်ဓါတ်စစ်ဆင်ရေးတွေလုပ်လိုက်နဲ့ သူတာဝန်ကိုသူထမ်းဆောင်နေတယ်။ အာဏာသိမ်းပြီးနောက်ပိုင်း CDM လှုပ်ရှားမှုမှာ ရဲတပ်ဖွဲ့ဝင် ခြောက်ထောင်ကျော်ပါဝင်ခဲ့တယ်လို့လည်းသိရတယ်။ အခုထုတ်ပြန်လိုက်တဲ့ ပြည်သူ့ရဲအဖွဲ့မှာတော့ သူတို့အနည်းနဲ့အများတော့ ပါဝင်ကြမှာပဲ။ တစ်ဖက်မှာတော့ ပြည်သူ တွေဖက်ကတော့ တော်တော်များများအားလျော့လာကြတယ်။ စားဝတ်နေရေးအတွက်လှုပ်ရှားရုန်းကန် နေကြရတယ်။ ဒါပေမဲ့ ကျွန်တော်တို့လုပ်ရမှာက Boycott လုပ်သင့်တာကိုလုပ်ပြီး ထောက်ပို့လုပ်သင့်တာ ကိုလုပ်ဖို့ပဲလို့မြင်တယ်။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...