တပ်အင်အား ကျဆင်းလာမှု ထိန်းဖို့ စစ်ကောင်စီဟာ အငြိမ်းစားယူရမယ့် သက်တမ်းကို အရင် ၆၀ က နေ အခု ၆၂ နှစ်အထိတိုးမြှင့်လိုက်ပါတယ်။ ဒါဟာ စစ်ကောင်စီတွေရဲ့အင်အားယုတ်လျော့လာတဲ့သက်သေ တစ်ခုဆိုရင်လည်းမမှားပါဘူး။ ဒါပေမဲ့ သူတို့မှာ လက်နက်အင်အားက အဆမတန်ရှိနေတော့ ကျွန်တော် တို့ပြည်သူတွေဟာ မလူးသာမလွန့်သာအခြေအနေမှာနေထိုင်ရတာပါ။ ပြည်သူတွေကို လက်နက်နဲ့ဖိနှိပ် ထားတော့ ပြည်သူကလည်း လက်နက်နဲ့ပဲပြန်ပြီးတိုက်ခိုက်ချေမှုန်းမှရမယ့်အနေအထားပါ။ ကျွန်တော်တို့ မှာ လက်နက်မရှိတော့ တော်လှန်ရေးဟာ မကြာသင့်ဘဲဒီလောက်အထိကြာမြင့်ခဲ့ပါပြီ။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။